భద్రాద్రికొత్తగూడెం, వెలుగు: ‘వాగుల్లోని చెలిమెల నీళ్లు తాగుతున్నం.. ఎండలకేమో వాగులు ఎండుతున్నయి.. బోర్లు వేసి ఆదుకోండి సారూ’.. అంటూ అశ్వారావుపేట మండలం మొద్దులమడ జీపీ పరిధిలోని ఉడుముల బండ, రాళ్లవాగు, మద్యగుంపు, పెద్దమిద్ది గ్రామాలకు చెందిన గిరిజనులు కలెక్టర్ను వేడుకున్నారు. సోమవారం గ్రీవెన్స్ లో వారు కలెక్టర్ను కలిశారు. ఇద్దరు చిన్న పిల్లలున్నారని, ఆర్థిక పరిస్థితి బాగా లేదని ఉద్యోగ అవకాశం కల్పించాలని కోరారు. కలెక్టర్మాట్లాడుతూ గ్రీవెన్స్దరఖాస్తులను ఆఫీసర్లు త్వరగా పరిష్కరించాలన్నారు. ప్రజావాణి దరఖాస్తులను పెండింగ్ఉంచవద్దన్నారు. అడిషనల్కలెక్టర్ కె.వెంకటేశ్వర్లు, డీఆర్వో అశోక్ చక్రవర్తి, అధికారులు పాల్గొన్నారు.
సిబ్బంది బయోమెట్రిక్ అటెండెన్స్ వేయాలి
కలెక్టరేట్ లోని అన్ని శాఖల సిబ్బంది బయోమెట్రిక్ అటెండెన్స్తప్పనిసరి వేయాలని కలెక్టర్ అనుదీప్ ఆదేశించారు. వివిధ శాఖల అధికారులతో సోమవారం నిర్వహించిన రివ్యూలో ఆయన మాట్లాడారు. అధికారులు, సిబ్బంది సమయపాలన పాటించాలన్నారు. ప్రతి సోమవారం బయోమెట్రిక్అటెండెన్స్ పై సమీక్ష ఉంటుందన్నారు. బయోమెట్రిక్హాజరు ద్వారానే వేతనాలు చెల్లించేలా చర్యలు తీసుకుంటామన్నారు. మున్సిపాలిటీలు, జీపీల్లో రీడింగ్ రూంలు ఏర్పాటు చేయాలన్నారు. ముర్రేడు వాగుపై నిర్మిస్తున్న రెండో వంతెన పనులను స్పీడ్గా చేపట్టాలని నేషనల్ హైవే డీఈని ఆదేశించారు.
మున్సిపాలిటీల్లో వైకుంఠ దామాలకు, కొత్తగూడెంలోని రామవరంలో నిర్వహించాల్సిన బయో మైనింగ్కు విద్యుత్ సరఫరా చేయాలని ఆశాఖశాఖాధికారులను ఆదేశించారు. ప్రోగ్రాంలో అడిషనల్ కలెక్టర్వెంకటేశ్వర్లు, అధికారులు పాల్గొన్నారు.
