- కొత్తగూడెం ఎమ్మెల్యే కూనంనేని సాంబశివరావు
- రూ. 450 కోట్లతో రింగ్ రోడ్డు నిర్మాణాలకు పర్మిషన్
భద్రాద్రికొత్తగూడెం, వెలుగు : కొత్తగూడెం–పాల్వంచ మున్సిపాలిటీలను కలుపుతూ ఏర్పాటు చేసే కార్పొరేషన్ ప్రక్రియ మొదలైందని ఎమ్మెల్యే కూనంనేని సాంబశివరావు తెలిపారు. కొత్తగూడెం పట్టణంలో పలు అభివృద్ధి పనులకు ఆయన శనివారం శంకుస్థాపన చేశారు. ఈ సందర్భంగా మాట్లాడుతూ రూ. 4.50 కోట్ల డీఎంఎఫ్ నిధులతో సీసీ, బీటీ రోడ్లు, పార్కుల అభివృద్ధి పనులు చేపడుతున్నామన్నారు.
కొత్తగూడెం, పాల్వంచ పట్టణాల ట్రాఫిక్ సమస్యకు శాశ్వత పరిష్కారంలో భాగంగా రూ. 450కోట్లతో రింగ్ రోడ్డు నిర్మాణానికి పర్మిషన్ వచ్చిందని తెలిపారు. కొత్తగూడెం, పాల్వంచ పట్టణాలను ఆదర్శ పట్టణాలుగా తీర్చి దిద్దుతున్నామని చెప్పారు. ఈ ప్రోగ్రాంలో మున్సిపల్ చైర్ పర్సన్ కే.సీతాలక్ష్మి, మున్సిపల్ కమిషనర్ శేషాంజన్ స్వామి, తహసీల్దార్ పుల్లయ్య, సీపీఐ జిల్లా సెక్రటరీ సాబీర్ పాషా, పలు అధికారులు, కౌన్సిలర్లు పాల్గొన్నారు.
