కామారెడ్డి టౌన్, వెలుగు: ఎన్నికల విధుల్లో భాగంగా మంగళవారం కలెక్టరేట్లో పోలింగ్ఆఫీసర్లు, అసిస్టెంట్ పోలింగ్ఆఫీసర్ల సెకండ్ర్యాండమైజేషన్ ప్రక్రియను పూర్తిచేశారు. కామారెడ్డి, ఎల్లారెడ్డి, జుక్కల్ నియోజకవర్గాలతో పాటు, బాన్సువాడలోని మూడు మండలాల్లోని 912 పోలింగ్స్టేషన్లకు సంబంధించిన పీవోలు, ఏపీవోల సెకండ్ ర్యాండమైజేషన్ నిర్వహించారు.
అబ్జర్వర్లు చిఫంగ్అర్థుర్ వర్చూయియో, జగదీశ్, కలెక్టర్ జితేశ్ వీ పాటిల్ సమక్షంలో ఈ ప్రక్రియ సాగింది. పీవో, ఏపీవోలకు ఈ నెల 21,22,23 తేదీల్లో ట్రైనింగ్ఇవ్వనున్నారు. నోడల్ఆఫీసర్లు రాజారాం, రఘునందన్ తదితరులు పాల్గొన్నారు.
