టాలీవుడ్ ప్రముఖ సినీ నిర్మాత "క" సినిమా సక్సెస్ మీట్ కార్యక్రమంలో పాల్గొన్నాడు. ఇందులో భాగంగా ఈ చిత్ర యూనిట్ ని అభినందించాడు. అలాగే క సినిమాలో హీరోగా నటించిన కిరణ్ అబ్బవరం టాలెంట్ గురించి మాట్లాడుతూ పలు ఆసక్తికర వ్యాఖ్యలు చేశాడు. కిరణ్ ని ట్రోల్ చేస్తున్న వీడియోని రీసెంట్ గా చూశానని ఇండస్ట్రీలో రాణించాలనుకున్నప్పుడు ఇలాంటి ట్రోల్స్ గురించి అస్సలు పట్టించుకోవద్దని సూచించాడు.
ఇక ఎక్కడో చిన్న కుటుంబ నుంచి వచ్చి ఎలాంటి సపోర్ట్ లేకుండా ఇండస్ట్రీలో నిలదొక్కుకోవడం సామాన్యమైన విషయం కాదని అన్నారు. తాను కూడా కిరణ్ మాదిరిగానే ఎటువంటి సపోర్ట్ లేకుండా వచ్చానని కానీ మొదటి సినిమానే సక్సెస్ అవ్వడంతో అలా కంటిన్యూ అవుతూ ఇప్పుడున్న స్థాయికి చేరుకున్నానని చెప్పుకొచ్చాడు.
ఒకప్పుడు ఇంటర్నెట్, సోషల్ మీడియా వంటివి అందుబాటులో లేకపోవడంతో గాసిప్స్, ట్రోల్స్ వంటివి ఒక గ్రామం, ప్రాంతానికి మాత్రమే పరిమితం అయ్యేవని అన్నారు. కానీ ఇప్పుడు టెక్నాలజీ కారణంగా చాలా ఫాస్ట్ గా స్ప్రెడ్ అవుతున్నాయని కాబట్టి వీటిని పట్టించుకోకుండా ముందుకు సాగాలని కిరణ్ అబ్బవరం కి సూచించాడు నిర్మాత దిల్ రాజు.
ఈ విషయం ఇలా ఉండగా క దీపావళి పండగ సందర్భంగా అక్టోబర్ 31న రిలీజ్ అయ్యింది. అయితే మంచి కంటెంట్, టేకింగ్ వంటివాటి కారణంగా బ్లాక్ బస్టర్ హిట్ టాక్ తో దూసుకుపోతోంది. అలాగే రిలీజ్ అయిన మొదటిరోజే రూ.6 కోట్లు డీసెంట్ కలెక్షన్లు రాబట్టింది.
