తెలుగులో ప్రముఖ హీరో వరుణ్ తేజ్ హీరోగా నటించిన మట్కా సినిమా నవంబర్ 14న గ్రాండ్ గా రిలీజ్ కాబోతోంది. ఈ సినిమాకి ప్రముఖ డైరెక్టర్ కరుణకుమార్ దర్శకత్వం వహించగా ప్రముఖ సినీ నిర్మాత రామ్ తాళ్లూరి నిర్మించాడు. ఈ సినిమా ప్రమోషన్స్ లో భాగంగా రామ్ తాళ్లూరి తన ఫ్యూచర్ ప్రాజెక్ట్స్ గురించి పలు ఆసక్తికర విషయాలను ప్రేక్షకులతో పంచుకున్నాడు.
ఇందులో ముఖ్యంగా పవర్ స్టార్ పవన్ కళ్యాణ్ తో ఓ పవర్ ఫుల్ ప్రాజెక్ట్ చేసేందుకు స్టోరీ, డైరెక్టర్ అంత సిద్ధంగా ఉందని తెలిపాడు. అలాగే ఈ సినిమా స్టోరీ విన్న పవన్ చాలా బాగుందని అన్నాడని, కచ్చితంగా చేద్దామని చెప్పడంతో ఈ సినిమా విషయమై ఐదేళ్ల క్రితమే కోట్ల రూపాయలు అడ్వాన్స్ కూడా ఇచ్చానని వెల్లడించాడు. కానీ పవన్ ప్రస్తుతం రాజీకీయాల్లో బిజీగా ఉండటంతో ఈ సినిమా పట్టాలెక్కడం లేదు.
అయితే గతంలో డైరెక్టర్ సురేందర్ రెడ్డి పవన్ కోసం మంచి స్క్రిప్ట్ రెడీ చేశాడని కానీ అనుకోని కారణాలవల్ల ఈ సినిమా చెయ్యలేదని తెలిపాడు. దీంతో ఇదే స్క్రిప్ట్ తో డైరెక్టర్ సురేందర్ రెడ్డి రవితేజ తో కిక్ సినిమా తీసి బ్లాక్ బస్టర్ హిట్ కొట్టాడని తెలిపాడు.
ఈ విషయం ఇలా ఉండగా గతంలో పవన్ కళ్యణ్ పోకిరి, ఇడియట్, అమ్మ నాన్న ఓ తమిళమ్మాయి, తదితర హిట్ సినిమాలని మిస్ చేసుకున్నాడు.
