ఇంద్రసేన, ఐశ్వర్యరాజ్ జంటగా సీనియర్ నటుడు రాజేంద్రప్రసాద్, సోనియా అగర్వాల్, పృథ్వీరాజ్ ముఖ్యపాత్రల్లో రూపొందుతున్న పాన్ ఇండియా మూవీ శాసనసభ. తెలుగు, హిందీ, తమిళ, మలయాళ, కన్నడ భాషల్లో తెరకెక్కుతున్న ఈ చిత్రానికి వేణు మడికంటి దర్శకత్వం వహించారు. తులసీరామ్ సాప్పని, షణ్ముగం సాప్పనిలు సాబ్రో ప్రొడక్షన్స్ పతాకంపై ఈ మూవీని నిర్మిస్తున్నారు. ఇందులో అందాలతార హెబ్బాపటేల్ ఓ ప్రత్యేక సాంగ్ లో కనిపించి కుర్రకారు మనస్సులను దోచుకోనుంది. ఈ సాంగ్ కు సంబంధించిన పోస్టర్‌ను చిత్ర బృందం విడుదల చేసింది.
పాన్ ఇండియా సినిమాగా రూపొందుతున్న పొలిటికల్ థ్రిల్లర్ ఇది. యూనివర్సల్ కథాంశంతో రూపొందుతున్న ఈ చిత్రంలో అందాల తార హెబ్బాపటేల్ స్పెషల్ సాంగ్ ప్రత్యేక ఆకర్షణగా నిలుస్తుందని నిర్మాతలు అభిప్రాయం వ్యక్తం చేశారు. కేజీఎఫ్, కేజీఎఫ్ 2 చిత్రాలకు సంగీత దర్శకుడిగా తన ప్రతిభను నిరూపించుకున్న రవిబసుర్ మ్యూజిక్ శాసనసభ మూవీకి హైలైట్‌గా నిలుస్తుందన్నారు. స్పెషల్ సాంగ్ లో హెబ్బాపటేల్ స్టెప్పులు మాస్‌ ఆడియన్స్ ను ఉర్రూతలూగిస్తుందని చెప్పారు. శాసనసభ సినిమా విడుదల తేదీని త్వరలోనే ప్రకటిస్తామన్నారు.
