హైదరాబాద్, వెలుగు: రాష్ట్రంలోని డిగ్రీ కోర్సుల్లో అడ్మిషన్ల కోసం హయ్యర్ ఎడ్యుకేషన్ కౌన్సిల్ విద్యార్థులకు మరో అవకాశం కల్పించింది. ఈ నెల 4 నుంచి దోస్త్ స్పెషల్ డ్రైవ్ ఫేజ్ అడ్మిషన్ల ప్రక్రియను చేపడుతున్నట్టు దోస్త్ కన్వీనర్, హయ్యర్ ఎడ్యుకేషన్ కౌన్సిల్ చైర్మన్ ప్రొఫెసర్ లింబాద్రి తెలిపారు.
మంగళవారం నుంచి ఈ నెల 9 వరకు రిజిస్ర్టేషన్లు చేసుకోవచ్చని చెప్పారు. రిజిస్ర్టేషన్లు చేసుకున్న విద్యార్థులు 9 వరకు వెబ్ ఆప్షన్లు ఇచ్చుకోవచ్చని పేర్కొన్నారు. ఈ నెల11న సీట్ల అలాట్ మెంట్ చేయనున్నట్టు వివరించారు. సీట్లు పొందిన విద్యార్థులు ఈ నెల 13లోగా కాలేజీల్లో సెల్ఫ్ రిపోర్టింగ్ చేయాలని సూచించారు.
