కూసుమంచి, వెలుగు: రాష్ర్టంలో సహజ వనరులను కొల్లగొడుతూ ప్రజాస్వామ్యాన్ని కాలరాస్తున్న కేసీఆర్ ప్రభుత్వాన్ని ఓడగొట్టాలని టీపీజేఏసీ కన్వీనర్ ప్రొఫెసర్ హర గోపాల్ పిలుపునిచ్చారు. సోమవారం ఖమ్మం జిల్లా కూసుమంచిలోని ఎన్డీ పార్టీ ఆఫీస్లో ఆయన మాట్లాడారు. ప్రశ్నించే గొంతులను నొక్కేయడం రాష్ట్రంలో సాధారణమైపోయిందన్నారు.
ఖమ్మంలో రైతులకు బేడీలు వేశారని, జర్నలిస్టులను జైలుకు పంపారని, ఉద్యమించే ప్రజలను నిర్భంధించి పోలీసుస్టేషన్లలో చిత్రహింసలు పెట్టారని, నిరుద్యోగులకు జాబ్ క్యాలెండర్ రిలీజ్ చేయలేదని, నోటిఫికేషన్లు లేవని, పేపర్ల లీకేజీలతో రాష్ట్రం అస్థవ్యవస్థమైందన్నారు. రాష్ర్టంలో బీజేపీ విస్తరణను అడ్డుకుందామన్నారు. టీపీజేఏసీ నాయకులు రవిచంద్ర ,వనమాల, వేణు, శంకర్రావు, రామస్వామి పాల్గొన్నారు.
