ఆర్కిటెక్చర్ అడ్మిషన్ షెడ్యూల్ రిలీజ్

• ఆగస్టు 1 నుంచి సర్టిఫికెట్ వెరిఫికేషన్ 

హైదరాబాద్, వెలుగు: బ్యాచ్ లర్ ఆఫ్ ఆర్కిటెక్చర్ (బీఆర్క్) అడ్మిషన్ షెడ్యూల్ ను హయ్యర్ ఎడ్యుకేషన్ కౌన్సిల్ చైర్మన్ ప్రొఫెసర్ ఆర్.లింబాద్రి రిలీజ్ చేశారు. బుధవారం మాసబ్ ట్యాంక్ లోని కౌన్సిల్ ఆఫీసులో అడ్మిషన్ల కమిటీ సమావేశం జరిగింది. ఈ సందర్భంగా షెడ్యూల్ ను విడుదల చేశారు. ఈ నెల 26న నోటిఫికేషన్ ఇస్తామన్నారు. వచ్చే నెల1 నుంచి 8 వరకు ఆన్ లైన్ రిజిస్ట్రేషన్లతో పాటు సర్టిఫికెట్ వెరిఫికేషన్ ఉంటుందని తెలిపారు.

9వ తేదీన స్పెషల్ కేటగిరీ సర్టిఫికెట్ వెరిఫికేషన్ ఉంటుందని చెప్పారు.16న ర్యాంకులు ప్రకటించనున్నట్టు పేర్కొన్నారు. కాగా, ఆగస్టు 17, 18 తేదీల్లో ఫస్ట్ ఫేజ్ కౌన్సిలింగ్ వెబ్ ఆప్షన్లకు అవకాశం ఇస్తున్నట్టు వివరించారు. 21న అభ్యర్థులకు సీట్ల కేటాయింపు చేస్తామన్నారు. సీట్లు అలాటైన విద్యార్థులు 22, 23 తేదీల్లో సంబంధిత కాలేజీల్లో ట్యూషన్ ఫీజు చెల్లించి సీటు కన్ఫార్మ్ చేసుకోవాల్సి ఉంటుందన్నారు. ఆగస్టు 25, 26 తేదీల్లో సెకండ్ ఫేజ్ కౌన్సిలింగ్ వెబ్ ఆప్షన్లకు అవకాశం కల్పించనున్నట్టు వెల్లడించారు. 29న అభ్యర్థుల జాబితా, 30,31 తేదీల్లో సీటు పొందిన విద్యార్థులు సంబంధిత కాలేజీల్లో ట్యూషన్ ఫీజు చెల్లించి రిపోర్ట్ చేయాల్సి ఉంటుందన్నారు. 

నేటి నుంచి దోస్త్ స్పెషల్ ఫేజ్ అడ్మిషన్లు

డిగ్రీ అడ్మిషన్ల కోసం నిర్వహించే దోస్త్ స్పెషల్ ఫేజ్ అడ్మిషన్ షెడ్యూల్ ను టీజీసీహెచ్ఈ చైర్మన్ ప్రొఫెసర్ లింబాద్రి  రిలీజ్ చేశారు. స్పెషల్ ఫేజ్ రిజిస్ట్రేషన్ ప్రక్రియ గురువారం నుంచి ప్రారంభం కానున్నదని వెల్లడించారు.  ఈ నెల 25 నుంచి వచ్చే నెల 2 వరకు ఈ ప్రక్రియ కొనసాగుతుందని పేర్కొన్నారు. ఈ నెల 27 నుంచి ఆగస్టు3 వరకు వెబ్ ఆప్షన్ల ప్రక్రియ ఉంటుందని, దివ్యాంగులకు ఆగస్టు 2వ తేదీన సర్టిఫికెట్ వెరిఫికేషన్ చేపడతామన్నారు. ఆగస్టు 6న సీట్లు కేటాయించనున్నట్టు వెల్లడించారు.