గోదావరిఖని, వెలుగు : సింగరేణిలో కొత్తగా ఉద్యోగాల్లో చేరి ఏడాదిలో అండర్ గ్రౌండ్‌‌‌‌‌‌‌‌‌‌‌‌‌‌‌‌లో 190 మస్టర్లు, సర్ఫేస్‌‌‌‌‌‌‌‌‌‌‌‌‌‌‌‌లో 240 మస్టర్లు పూర్తి చేసిన 2,349 మంది బదిలీ వర్కర్లకు జనరల్ మజ్దూర్లుగా ప్రమోషన్ కల్పిస్తూ మేనేజ్మెంట్ సోమవారం ఉత్తర్వులు జారీ చేసింది. 2024 ఆగస్టు 31 నాటికి నిర్ధిష్ట రోజులలో పనిచేసిన వారిని గుర్తించి ఈ ప్రమోషన్ కల్పించగా, దీనిని సెప్టెంబర్ 1వ తేది నుంచి వర్తింపచేస్తున్నారు.
ప్రమోషన్ పొందిన వారిలో శ్రీరాంపూర్ ఏరియాలో 662 మంది, ఆర్జీ 1 (గోదావరిఖని)లో 552 మంది, భూపాలపల్లిలో 467 మంది, మందమర్రిలో 310 మంది, అడ్రియాల్ ప్రాజెక్ట్ ఏరియాలో 218 మంది, ఆర్జీ 2 ఏరియాలో 50 మంది, కొత్తగూడెం కార్పొరేట్లో 25 మంది, మణుగూరులో 19 మంది, కొత్తగూడెంలో 16 మంది, ఆర్జీ 3 ఏరియాలో 12 మంది, బెల్లంపల్లిలో 9 మంది, ఇల్లందులో 9 మంది ఉన్నారు.
