- 15,500 కొత్త ఎల్ఈడీ స్ట్రీట్ లైట్లు కొనాలని నిర్ణయం
- బల్దియా స్టాండింగ్ కమిటీ మీటింగులో 14 అంశాలకు ఆమోదం
హైదరాబాద్, వెలుగు: జీహెచ్ఎంసీ హెడ్డాఫీసులో మేయర్ గద్వాల్ విజయలక్ష్మి అధ్యక్షతన గురువారం స్టాండింగ్ కమిటీ సమావేశం జరిగింది. సభ్యులు 14 అంశాలకు ఆమోదం తెలిపారు. ఇందులో ప్రధానంగా కేబీఆర్ పార్క్మెయిన్గేట్ వద్ద మల్టీలెవల్ స్మార్ట్ కారు, మోటార్ సైకిల్ పార్కింగ్ ఏర్పాటు చేయాలన్న ప్రతిపాదనను ఆమోదించారు. పార్కింగ్అభివృద్ధి, నిర్వహణ బాధ్యతలను10 సంవత్సరాలపాటు నవనిర్మాణ్ అసోసియేషన్ సంస్థకు ఇవ్వాలని నిర్ణయించారు.
లాగే రూ.2కోట్ల98లక్షల72వేలతో 15,500 కొత్త ఎల్ఈడీ స్ట్రీట్ లైట్లు కొనడానికి పరిపాలన అనుమతి, షార్ట్ టెండర్లను పిలవడానికి ఆమోదం తెలిపారు. జీహెచ్ఎంసీలో పనిచేస్తున్న 90 మంది కమ్యూనిటీ కో-ఆర్డినేటర్లు, కమ్యూనిటీ ఆర్గనైజర్ల పే స్కేల్ ను పెంచుతూ, గతేడాది ఏప్రిల్ నుంచి వర్తింపు చేయాలన్న ప్రతిపాదనలకు ఆమోదం తెలిపారు. సమావేశంలో కమిషనర్ ఆమ్రపాలి, స్టాండింగ్ కమిటీ సభ్యులు, అడిషనల్ కమిషనర్లు తదితర అధికారులు పాల్గొన్నారు.
