మంచిర్యాల, వెలుగు: బెల్లంపల్లి ఎమ్మెల్యే దుర్గం చిన్నయ్య, అరిజిన్ డెయిరీ నిర్వాహకుల మధ్య తలెత్తిన వివాదం ఢిల్లీకి చేరింది. లైంగిక వేధింపులకు పాల్పడిన చిన్నయ్యపై చట్టరీత్యా చర్యలు తీసుకొని తమకు న్యాయం చేయాలని కోరుతూ డెయిరీ సీఈవో ఆదినారాయణ, సీఏవో శేజల్ఆదివారం ఢిల్లీలోని కొత్త పార్లమెంట్ భవనం వద్ద ఆందోళన చేశారు.
ఎమ్మెల్యే చిన్నయ్య శేజల్ను లైంగికంగా, మానసికంగా వేధిస్తున్నారని, తమ దగ్గర రూ.30 లక్షలు తీసుకుని మోసం చేశాడని ఆరోపిస్తూ ఫ్లెక్సీ ప్రదర్శించారు. సోమవారం మానవ హక్కుల కమిషన్, విమెన్ కమిషన్లో ఫిర్యాదు చేసి జంతర్మంతర్దగ్గర దీక్ష చేపట్టనున్నట్టు తెలిపారు.
