మిర్యాలగూడ, వెలుగు : మిర్యాలగూడ నియోజకవర్గంలోని ప్రభుత్వ పాఠశాలకు అవసరమైన సదుపాయాలు కల్పించే బాధ్యత తనదని, ప్రైవేట్కు దీటుగా టీచర్లు నాణ్యమైన విద్యను బోధించాలని ఎమ్మెల్యే బత్తుల లక్ష్మారెడ్డి అన్నారు. బడిబాట కార్యక్రమంలో భాగంగా మిర్యాలగూడలోని ఓ ఫంక్షన్ హాల్లో ఆదివారం ఏర్పాటు చేసిన సమావేశంలో ఎమ్మెల్సీ నర్సిరెడ్డి, మాజీ ఎమ్మెల్సీ పూల రవీందర్తో కలిసి ఆయన హాజరయ్యారు.
ప్రభుత్వ పాఠశాలలు, హాస్పిటల్స్ అభివృద్ధిపై ప్రత్యేక దృష్టి సారించినట్లు చెప్పారు. అనంతరం ప్రభుత్వ స్కూల్లో ఉత్తమ ర్యాంకులు పొందిన విద్యార్థులను ఎమ్మెల్సే సత్కరించారు. ఎమ్మెల్యే లక్ష్మారెడ్డి, మాధవి దంపతులను ఆయా ప్రభుత్వ ఉపాధ్యాయ సంఘాల నేతలు, టీచర్లు సన్మానించారు.
