షాద్ నగర్, వెలుగు: విద్యార్థులకు నాణ్యమైన భోజనం పెట్టాలని కలెక్టర్ సి నారాయణరెడ్డి కోరారు. మంగళవారం ఫరూఖ్ నగర్ మండల పరిధిలోని కమ్మదనం సాంఘిక సంక్షేమ గురుకుల స్కూల్ను ఆకస్మికంగా తనిఖీ చేశారు. గురుకులాల విద్యా వ్యవస్థ పై ప్రభుత్వం ప్రత్యేక దృష్టి పెట్టిందని, ఎలాంటి లోటుపాట్లు లేకుండా విద్యార్థులకు అన్ని సౌకర్యాలు కల్పించాలన్నారు. ప్రభుత్వం మెస్ చార్జీలు పెంచి విద్యార్థుల అభ్యున్నతికి తోడ్పాటును అందిస్తోందన్నారు.
