హైదరాబాద్, వెలుగు: రాష్ట్రంలోని సర్కార్, పంచాయతీరాజ్ హైస్కూళ్లలో ఖాళీగా ఉన్న హెడ్మాస్టర్ పోస్టులను అడ్ హక్ పద్ధతిలో ప్రమోషన్లతో భర్తీ చేయాలని పీఆర్టీయూ రాష్ట్ర అధ్యక్ష, ప్రధాన కార్యదర్శులు పింగిలి శ్రీపాల్ రెడ్డి, పి. దామోదర్ రెడ్డి ప్రభుత్వాన్ని కోరారు.
సోమవారం సెక్రటేరియెట్లో కొత్తగా నియమితులైన విద్యాశాఖ ముఖ్య కార్యదర్శి ఎన్.శ్రీధర్ను కలిసి శుభాకాంక్షలు చెప్పారు. అనంతరం విద్యారంగంలోని సమస్యలపై వినతిపత్రం అందించారు. దీనిపై స్పందించిన శ్రీధర్..రెండు రోజుల్లో అధికారులతో సమావేశం నిర్వహిస్తానని చెప్పారు.
