ఆదిలాబాద్టౌన్, వెలుగు : ఆదిలాబాద్లోని జిల్లా పరిషత్ మీటింగ్హాల్లో శుక్రవారం రాత్రి ప్రజాపాలన విజయోత్సవాలు ఘనంగా నిర్వహించారు. ఈ సందర్భంగా అడిషనల్ కలెక్టర్శ్యామలాదేవి, డీసీసీబీ చైర్మన్అడ్డి భోజారెడ్డి జ్యోతి ప్రజ్వలన చేసి వేడుకలు ప్రారంభించారు. తెలంగాణ సంస్కృతి సంప్రదాయాలపై కళాకారులు నిర్వహించిన నృత్య ప్రదర్శనలు, కార్యక్రమాలు అందరినీ ఆకట్టుకున్నాయి.
కాంగ్రెస్ప్రభుత్వం అమలు చేస్తున్న మహాలక్ష్మి, రైతు రుణ మాఫీ, రాజీవ్ ఆరోగ్యశ్రీ, విద్య, వరిధాన్యం కొనుగోలు, డ్వాక్రా, ఇందిరమ్మ ఇళ్లు, మహిళలకు రూ 500/- కే గ్యాస్ సిలిండర్, గృహ జ్యోతి పథకాల గురించి వివరించారు. కార్యక్రమంలో సబ్ కలెక్టర్ యువరాజ్ మార్మాట్, ట్రైనీ కలెక్టర్ అభీగ్యాన్ మాలవీయ, ఆర్డీవో వినోద్ కుమార్, జడ్పీ సీఈవో జితేందర్ రెడ్డి, డీవైఎస్ వెంకటేశ్వర్లు, డీపీఆర్వో తిరుమల, పర్యాటకశాఖ అధికారి రవికుమార్ పాల్గొన్నారు.
