గోదావరిఖని, వెలుగు: ఈ నెల 28న నిర్వహించనున్న ఎన్టీపీసీ తెలంగాణ ప్రాజెక్ట్ 800 మెగావాట్ల మూడు యూనిట్లకు సంబంధించిన పబ్లిక్ హియరింగ్ సజావుగా జరిగేలా అన్ని శాఖల అధికారులు సహకరించాలని రామగుండం సీపీ ఎం.శ్రీనివాస్, పెద్దపల్లి అడిషనల్ కలెక్టర్ వేణు కోరారు. శుక్రవారం కమిషనరేట్‌‌‌‌‌‌‌‌లో ఎన్టీపీసీ, రెవెన్యూ, వివిధ శాఖల అధికారులతో సీపీ రివ్యూ మీటింగ్ నిర్వహించారు.
28న జడ్పీ హైస్కూల్‌‌‌‌‌‌‌‌లో నిర్వహించనున్న పబ్లిక్ హియరింగ్ మీటింగ్‌‌‌‌‌‌‌‌కు ఎన్ని గ్రామాల ప్రజలు హాజరవుతారు.. పోలీస్బందోబస్త్‌, పార్కింగ్ స్థలాలు, తదితర అంశాలపై చర్చించారు. మీటింగ్లో డీసీపీ చేతన, ఆర్డీవో బి.గంగయ్య, స్పెషల్ బ్రాంచ్ ఏసీపీ రాఘవేంద్ర రావు, గోదావరిఖని ఏసీపీ ఎం.రమేశ్‌, ట్రాఫిక్ ఏసీపీలు నర్సింహులు, చందన్ కుమార్ సమంత, ఎన్టీపీసీ హెచ్‌‌‌‌‌‌‌‌ఆర్ హెడ్ బీకే సిక్దర్, బినోయ్ జోషి, ప్రవీణ్, కేవీరావు, ఇతర అధికారులు పాల్గొన్నారు.
