కామారెడ్డి, వెలుగు: ఉమ్మడి నిజామాబాద్ జిల్లాలో రాష్ట్ర ప్రభుత్వం ఇటీవల కొత్తగా 5 మండలాలను ఏర్పాటు చేస్తూ ఫైనల్ గెజిట్నోటిఫికేషన్ ఇచ్చింది. అయితే జిల్లాలో మరొక మండలం ఏర్పాటు చేయాలని డిమాండ్ఉన్నప్పటికీ పెండింగ్లో పెట్టింది. దానికి తోడు కొత్తగా మరో మండలం ఏర్పాటుకు ప్రపోజల్స్రెడీ అవుతున్నాయన్న చర్చ జిల్లాలో సాగుతోంది. భవిష్యత్లో రాజకీయంగా తమకు కలిసి వచ్చేలా మరికొన్ని మండలాల ఏర్పాటు చేయాలని ప్రజా ప్రతినిధులు డిమాండ్ చేస్తున్నట్లు ప్రచారం జరుగుతోంది. జుక్కల్ నియోజక వర్గంలో మరో కొత్త మండలంతో పాటు, బిచ్కుంద ను రెవెన్యూ డివిజన్ చేయాలంటూ ఇప్పటికే చర్చ మొదలైంది.
పల్వంచ మండలం ప్రకటనే..
కామారెడ్డి జిల్లాలో జుక్కల్ నియోజక వర్గంలోని డొంగ్లి, నిజామాబాద్ జిల్లా బాన్స్వాడ నియోజక వర్గంలోని పొతంగల్, ఆర్మూర్ నియోజక వర్గంలో డొంకేశ్వర్, అలూర్, బోధన్లో సాలుర మండలాలను ఏర్పాటు చేస్తూ ప్రభుత్వం గెజిట్ రిలీజ్ చేసింది. సాలుర మినహా మిగతా చోట్ల రెవెన్యూ కార్యకలాపాలు కూడా షురూ అయ్యాయి. కామారెడ్డి జిల్లా మాచారెడ్డి మండలం పల్వంచను కూడా మండల కేంద్రంగా ఏర్పాటు చేసేందుకు ఫైనల్నోటిఫికేషన్ ప్రక్రియ కంప్లీట్అయ్యిందని, కొద్ది రోజుల్లోనే సంబంధించిన ఉత్తర్వులు రానున్నాయని తెలుస్తోంది. పల్వంచ, ఫరీద్పేట, వాడి, భవానిపేట, ఆరేపల్లి, వెల్పుగొండ, ఇసాయిపేట, సింగరాయిపల్లి గ్రామాలను కలిపి పల్వంచ మండలంగా ఏర్పడనుందని చర్చ సాగుతోంది.
తెరమీదకు కొత్తగా హన్మాజీపేట
కామారెడ్డి, నిజామాబాద్ జిల్లాలోని 11 గ్రామాలను కలిపి బాన్స్వాడ మండలంలోని హన్మాజీపేట కొత్త మండలంగా ఏర్పాటుకు తాజాగా తెరమీదకు వచ్చింది. స్పీకర్ పోచారం శ్రీనివాస్రెడ్డి సూచనతో కొత్త మండలం ఏర్పాటుకు ప్రపోజల్స్ పంపాలని జిల్లా ఆఫీసర్లను ప్రభుత్వం ఆదేశించింది. కామారెడ్డి జిల్లాలోని బాన్స్వాడ మండలంలోని హన్మాజీపేట, కొనాపూర్, సంగోజిపేట, కట్లాపూర్, సోమ్లా నాయక్ తండా, పులిగుండు తండా, నిజామాబాద్ జిల్లా వర్ని మండలంలోని పైడిమల్లె, చింతలపేట, చల్కాతండాలు ఇందులో చేర్చనున్నారు. ఈ గ్రామాలు రెండు జిల్లాల పరిధిలో ఉన్నందున ఇరు జిల్లాల నుంచి రిపోర్టులు ప్రభుత్వానికి పంపాల్సి ఉంది. స్పీకర్శ్రీనివాస్రెడ్డి సూచనతో హన్మాజిపేట మండలంగా ఏర్పాటు దాదాపు ఖాయమని తెలుస్తోంది.
మహ్మద్నగర్ కోసం నేతల పట్టు
జుక్కల్ నియోజక వర్గం.. నిజాంసాగర్ మండలంలోని మహ్మద్నగర్ను కూడా మండలంగా ఏర్పాటు చేయాలని స్థానిక నేతలు పట్టుబడుతున్నారు. గతంలోనే మహ్మద్నగర్ ను మండల ఏర్పాటుకు ప్రపోజల్స్ రెడీ అయిన తర్వాత ఈ ప్రక్రియ మధ్యలో ఆగింది. దీంతో పాటే ప్రతిపాదించిన మద్నూర్ మండలంలోని డొంగ్లీ ఇటీవల మండలంగా ఏర్పడింది. మహ్మద్నగర్ను మండలంగా ఏర్పాటు చేయాలని అధికార పార్టీకి చెందిన పలువురు స్థానిక ప్రజాప్రతినిధులు, ఎమ్మెల్యే హన్మంతు షిండే పై ఒత్తిడి తీసుకొస్తున్నారని తెలుస్తోంది. మహ్మద్నగర్ను మండలంగా ఏర్పాటు చేయాలని డిమాండ్ చేస్తూ ఇటీవల కాంగ్రెస్ ఆధ్వర్యంలో రాస్తారోకో కూడా చేశారు. వెనుకబడిన జుక్కల్ నియోజకవర్గంలోని బిచ్కుంద ను రెవెన్యూ డివిజన్గా ప్రకటించాలని, బాన్స్వాడను జిల్లాగా ఏర్పాటు చేయాలని ఇటీవల స్థానికులు ఆందోళనలు చేశారు.
కలిసి వస్తుందని లీడర్ల ప్లాన్..
వచ్చే అసెంబ్లీ ఎన్నికలను దృష్టిలో ఉంచుకొని స్థానిక ఎమ్మెల్యేలు కూడా కొత్త మండలాల ఏర్పాటుపై ఆసక్తితో ఉన్నారు. ఆయా ఏరియాలో ప్రజలకు దగ్గరగా ఉండేలా మండలాలు ఏర్పాటు చేస్తే కలిసి వస్తుందని భావిస్తున్నారు. కొత్త మండలాల ఏర్పాటు ప్రపోజల్స్ మొత్తం మీద రాజకీయంగా జిల్లాలో ఆసక్తి రేకెత్తిస్తోంది.
