- ప్లాంట్ సీజ్ చేసిన అధికారులు
బషీర్ బాగ్, వెలుగు : కల్తీ నీటి దందా చేస్తున్న వాటర్ ప్లాంట్ను పుడ్ సేఫ్టీ అధికారులు సీజ్ చేశారు. షేక్ ఉమర్ అనే వ్యక్తి కాచిగూడ నింబోలి అడ్డాలో గుట్టుచప్పుడు కాకుండా మినరల్ వాటర్ ప్లాంట్ను నిర్వహిస్తున్నాడు. ప్రముఖ కంపెనీల పేర్లలో ఒక ఆల్ఫాబెట్ను అటుఇటుగా మార్చి బాటిళ్లను తయారుచేస్తున్నాడు. ఇందులో టీడీఎస్ (టోటల్ డి సాల్ట్ సాలిడ్స్) తక్కువగా ఉండే నీటిని నింపి, సిటీలోని ఓపెన్ బార్లు, రెస్టారెంట్లు, హోటళ్లకు సరఫరా చేస్తున్నాడు.
ఈ కల్తీ దందాపై సమాచారం రావడంతో ఈస్ట్ జోన్ టాస్క్ ఫోర్స్ సబ్ ఇన్స్పెక్టర్ కరుణాకర్ రెడ్డి, జీహెచ్ఎంసీ పుడ్ సేఫ్టీ అధికారి స్వాతి, సిబ్బందితో కలిసి గురువారం వాటర్ ప్లాంట్పై దాడి చేసి, సీజ్ చేశారు.
