![మేడిపల్లి ఓసీపీలో పంప్డ్ స్టోరేజీ హైడ్రో ప్లాంట్](https://static.v6velugu.com/uploads/2024/07/pumped-storage-hydro-plant-at-medipally-ocp_Sqi8Ff3pV7.jpg)
- టాటా కన్సల్టింగ్సంస్థతో సింగరేణి చర్చలు
గోదావరిఖని, వెలుగు : రామగుండం రీజియన్ పరిధిలో మూసివేసిన మేడిపల్లి ఓసీపీలో పంప్డ్ స్టోరేజీ హైడ్రో ఎలక్ట్రిక్ విద్యుత్ ప్లాంట్ఏర్పాటు చేసేందుకు సింగరేణి సంస్థ ముందుకు వచ్చింది. ఈ మేరకు శుక్రవారం గోదావరిఖనిలోని ఆర్జీ–1 జీఎం ఆఫీస్లో జీఎం శ్రీనివాస్ అధ్యక్షతన టాటా కన్సల్టింగ్ఇంజినీరింగ్ లిమిటెడ్ సంస్థ ఆఫీసర్లతో సింగరేణి కార్పొరేట్, వివిధ విభాగాల ఆఫీసర్లు చర్చలు జరిపారు.
మేడిపల్లి ఓపెన్ కాస్ట్ ప్రస్తుతం మూతపడగా, అందులోకి పక్కనే ఉన్న గోదావరి నీటిని మళ్లించి హైడ్రో కరెంట్ ఉత్పత్తికి గల సాధ్యాసాధ్యాలను పరిశీలించాలని టాటా కన్సల్టింగ్ ప్రతినిధులను కోరారు. అనంతరం మేడిపల్లి ఓసీపీని సందర్శించి పరిశీలించారు.