సిద్దిపేట జిల్లాలోని కొండపోచమ్మ రిజర్వాయర్ ను పంజాబ్ సీఎం భగవంత్ సింగ్ మాన్ పరిశీలించారు. సీఎం కేసీఆర్తో కలిసి కొండ పోచమ్మ రిజర్వాయర్ ను సందర్శించారు. రెండు రోజుల పర్యటన నిమిత్తం రాష్ట్రానికి వచ్చిన పంజాబ్ సీఎం భగవంత్ సింగ్ మాన్.. సిద్దిపేట జిల్లాలో రాష్ట్ర ప్రభుత్వం చేపట్టిన పలు అభివృద్ది కార్యక్రమాలు, నీటి పారుదల ప్రాజెక్టులను పరిశీలిస్తున్నారు. ఇందులో భాగంగా కొండ పోచమ్మ రిజర్వాయర్ను పరిశీలించారు.
కొండ పోచమ్మ సాగర్ పరిశీలన తర్వాత భగవంత్ మాన్ మర్కుక్ మండలం ఎర్రవెల్లి, నర్సన్నపేట గ్రామాల మధ్యనున్న చెక్ డ్యాంను పరిశీలిస్తారు. ఆ తర్వాత మల్లన్ సాగర్, గజ్వేల్ పట్టణంలో మినీ ట్యాంక్ బండ్ గా అభివృద్ధి చెందిన పాండవుల చెరువునుని పరిశీలిస్తారు. ఆ తర్వాత తిరిగి హైదరాబాద్ కు వెళ్తారు.
