Pushpa2 Movie: టాలీవుడ్ స్టార్ హీరో అల్లు అర్జున్ స్టార్ డైరెక్టర్ సుకుమార్ కాంబినేషన్ లో తెరకెక్కుతున్న పుష్ప 2: ది రూల్ సినిమా డిసెంబర్ 05న గ్రాండ్ గా రిలీజ్ కాబోతోంది. ఈ సినిమాలో నేషనల్ క్రష్ రష్మిక మందాన హీరోయిన్ గా నటిస్తుండగా ఫహద్ ఫజిల్, జగపతిబాబు, సునీల్, ధనుంజయ్, అనసూయ, అజయ్, కల్పలత తదితరులు ప్రధాన తారాగణంగా నటిస్తున్నారు. భారీ బడ్జెట్ తో తెరకెక్కిన ఈ సినిమాపై అంచనాలు కూడా అదే స్థాయిలో ఉన్నాయి. అయితే రాష్ట్ర ప్రభుత్వం టికెట్ రేట్లు పెంచుకోవడానికి అనుమతులు కూడా ఇచ్చింది. అలాగే స్పెషల్ షోస్ కి పర్మినషన్ ఇచ్చింది.
ఈరోజు సాయంత్రం 04:56 గంటలకి తెలంగాణలో పుష్ప 2: ది రూల్ టికెట్ బుకింగ్స్ ప్రారంభంకాగా రికార్డు స్థాయిలో సేల్ అవుతున్నాయి. ఈ టికెట్లు బుక్ మై షో, డిస్ట్రిక్ట్ యాప్స్ లో అందుబాటులో ఉన్నాయి. కాగా ఇప్పటికే హిందీలో టికెట్ బుకింగ్స్ రిలీజ్ కాగా దాదాపుగా 20వేలకి పైగా టికెట్లు అమ్ముడయ్యాయి. దీంతో పుష్ప 2 మానియా నార్త్ లో అప్పుడే మొదలైపోయిందని చెప్పవచ్చు.
ALSO READ | Pushpa 2 Movie: హైదరాబాద్ లో ఏ ధియేటర్ లో ఎంతెంత టికెట్ ధర అంటే..!
ఈ విషయం ఇలా ఉండగా గతంలో అల్లు అర్జున్ నటించిన పుష్ప: ది రైజ్ సినిమా బ్లాక్ బస్టర్ హిట్ అయ్యింది. దీంతో మేకర్స్ బడ్జెట్ కి ఏమాత్రం వెనుకాడకుండా పుష్ప 2 ని తెరకెక్కించారు. కాగా పుష్ప 2 సినిమా రిలీజ్ కి ముందే దాదాపుగా రూ.1060 కోట్లు ప్రీ రిలీజ్ బిజినెస్ చేసింది. అంతేగాకుండా ప్రపంచవ్యాప్తంగా దాదాపుగా 13500 స్క్రీన్స్ లో పుష్ప 2 భారీ ఎత్తున రిలీజ్ కాబోతోంది. ఇండియన్ సినీ చరిత్రలోనే ఇదొక రికార్డు అని చెప్పవచ్చు. ఇందులో ఓవర్సీస్ లో 5 వేల స్క్రీన్లు ఉండగా, మనదేశంలో 8వేలకి పైగా స్క్రీన్స్ ఉన్నాయి.
