సంధ్య థియేటర్ తొక్కిసలాట ఘటనలో తీవ్రంగా గాయపడి కిమ్స్ హాస్పిటల్ లో చికిత్స పొందుతున్న బాలుడు శ్రీతేజ్ ని ప్రముఖ సినీ నిర్మాతలు అల్లు అరవింద్, దిల్ రాజు బుధవారం (డిసెంబర్ 25) పరామర్శించాడు. ఇందులోభాగంగా శ్రీతేజ్ ఆరోగ్యం గురించి డాక్టర్లని అడిగి తెలుసుకున్నారు.
ఈ సందర్భంగా అల్లు అరవింద్ మాట్లాడుతూ శ్రీతేజ్ ఆరోగ్యం బాగుందని త్వరగానే కోలుకుంటున్నాడని తెలిపాడు. అలాగే రేవతి కుటుంబానికి రూ.2 కోట్లు ఆర్ధిక సాయం అందిస్తున్నట్లు తెలిపాడు. ఇందులో అల్లు అర్జున్ రూ.కోటి, పుష్ప సినిమా నిర్మాతలు మైత్రీ మూవీ మేకర్స్ రూ.50 లక్షలు, డైరెక్టర్ సుకుమార్ రూ.50 లక్షలు ప్రకటిస్తూ చెక్కులని నిర్మాత దిల్ రాజుకి అందించారు.
నిర్మాత దిల్ రాజు మాట్లాడుతూ శ్రీతేజ్ స్పీడ్ గా రికవర్ అవుతున్నాడని తెలిపాడు. అలాగే 72 గంటల నుంచి వెంటిలేటర్ లేకుండా ఉన్నాడని తెలిపాడు. ఇక గురువారం ఉదయం 10 గంటలకి సినీ ఇండస్ట్రీ పెద్దలతో కలసి ముఖ్యమంత్రి రేవంత్ రెడ్డిని కలవబోతున్నట్లు తెలిపాడు. ఇందులోభంగా ఇండస్ట్రీలోని సమస్యలగురించి చర్చించి ముఖ్యమంత్రి దృష్టికి తీసుకెళతామని వెల్లడించాడు
