Pushpa2 The Rule: టాలీవుడ్ స్టార్ హీరో ఐకాన్ స్టార్ అల్లు అర్జున్ హీరోగా నటిస్తున్న పుష్ప 2 రిలీజ్ డేట్ ప్రకటించినప్పటికీ ఇండస్ట్రీ మొత్తం ఈ సినిమావైపే చూస్తోంది. దీంతో ఈ సినిమాపై భారీ అంచనాలు నెలకొన్నాయి. అయితే పుష్ప 2 రిలీజ్ డేట్ దగ్గర పడుతున్న సమయంలో బెనిఫిట్ షోస్ టికెట్ రేట్లు, టైమింగ్స్ గురించి అభిమానులు ఆసక్తిగా ఎదురు చూస్తున్నారు.
Also Read :- రామ్ చరణ్ సినిమాలో మీర్జాపూర్ మున్నా భయ్యా
పుష్ప 2 మ్యానియా మొదలైపోయింది.. డిసెంబర్ 5వ తేదీన రిలీజ్ అనుకుంటే.. ఒక రోజు ముందే ధియేటర్లలోకి వచ్చేస్తోంది సినిమా... డిసెంబర్ 4వ తేదీ రాత్రి 9 గంటల నుంచే షోలు వేసుకోవటానికి తెలంగాణ ప్రభుత్వం గ్రీన్ సిగ్నల్ ఇచ్చేసింది.. అంతేనా.. అర్థరాత్రి ఒంటి గంటకు.. తెల్లవారుజామున 4 గంటల షోలకు కూడా పర్మీషన్ ఇచ్చేసింది ప్రభుత్వం. అల్లు అర్జున్ ఫ్యాన్స్ కు ఇది పండగే.. డిసెంబర్ 4వ తేదీ రాత్రి నుంచే హైదరాబాద్ లో పుష్ప మానియా స్టార్ట్ కావటం ఖాయం..
అయితే పుష్ప 2 ప్రపంచవ్యాప్తంగా దాదాపుగా 13500 థియేటర్లలో రిలీజ్ కాబోతోంది. ఇందులో ఓవర్సీస్ లో 5వేలకి పైగా స్క్రీన్స్ ఉండగా మన దేశంలో దాదాపుగా 8వేల స్క్రీన్స్ లో రిలీజ్ చేస్తున్నారు. అలాగే టాలీవుడ్ తోపాటు, బాలీవుడ్ లో కూడా భారీ కలెక్షన్లు రాబట్టే అవకాశం ఉండటంతో ఎక్కువ స్క్రీన్లు పుష్ప 2 కోసం ఏర్పాటు చేసినట్లు తెలుస్తోంది. ఈ విషయం ఇలా ఉండగా తెలంగాణాలో ఈరోజు సాయంత్రం 4:56 గంటలకి టికెట్ బుక్కింగ్స్ ఓపెన్ చేస్తున్నట్లు మేకర్స్ ప్రకటించారు.
