ఖమ్మం టౌన్, వెలుగు : 40 ఏండ్ల రాజకీయ అనుభవం, పరిజ్ఞానం ఉన్న వ్యక్తి తుమ్మల నాగేశ్వరరావుకు కండ్ల ముందు ఉన్న అభివృద్ధి కనబడటం లేదా అని బీఆర్ఎస్ అభ్యర్థి పువ్వాడ అజయ్ కుమార్ ప్రశ్నించారు. సిటీలోని పలు డివిజన్ లలో బుధవారం జరిగిన ఆత్మీయ సమ్మేళనాలు, ప్రచార కార్యక్రమాలు నిర్వహించారు. ఈ సందర్భంగా పువ్వాడ మాట్లాడారు. తుమ్మల అభివృద్ధిని చూడకుండా.. అసత్య ప్రచారం చేస్తున్నాడని ఆరోపించారు.
తుమ్మల ఖమ్మంలో పోటీ చేసేందుకు అయిష్టంగా వచ్చాడని చెప్పారు. పాలేరు టికెట్ కావాలని అనుకున్నాడని, అక్కడ టిక్కెట్ దొరకకపోవడంతో బలవంతంగా ఖమ్మం పంపించారని తెలిపారు. ఇక్కడ గెలవడానికి ఆయన చెప్పుకోవడానికి ఏమీ దని, తాము చేసిన అభివృద్ధిపై బురదజల్లే ప్రయత్నం చేస్తున్నాడని ఆరోపించారు. ఖమ్మం అభివృద్ధిని చూసి, తనను గెలిపించాలని కోరారు.
