భద్రాచలం,వెలుగు: భద్రాచలం అభివృద్ధే లక్ష్యంగా బీఆర్ఎస్ పనిచేస్తోందని మంత్రి పువ్వాడ అజయ్కుమార్ అన్నారు. సోమవారం పట్టణంలోని సుభాష్నగర్ కాలనీ వద్ద రూ.38కోట్లతో నిర్మించే మిగులు కరకట్ట నిర్మాణ పనులకు, ఎస్డీఎఫ్ నిధులతో నియోజకవర్గంలోని ఐదు మండలాల్లో చేపట్టే పనులకు శంకుస్థాపన, ఏరియా ఆస్పత్రిలో రూ.21.50లక్షలతో నిర్మించిన కిచెన్ కాంప్లెక్స్, సీసీ రోడ్లను ప్రారంభించిన అనంతరం మాట్లాడారు.
ఏజెన్సీ అభివృద్ధికి ప్రభుత్వం భారీగా నిధులు ఇచ్చిందన్నారు. అన్ని గ్రామాల్లో సీసీ రోడ్లు, ఇంటిగ్రేటెడ్ వెజిటబుల్ మార్కెట్లు, సైడ్ డ్రైన్లు, మండల కేంద్రాల్లో సెంట్రల్ లైటింగ్ సిస్టమ్ నిర్మిస్తున్నట్లు తెలిపారు. కార్యక్రమంలో కలెక్టర్ ప్రియాంక అల, ఎమ్మెల్యే పొదెం వీరయ్య, ఎస్పీ డా.వినీత్, ఏఎస్పీ పంకజ్ పరితోష్ తదితరులు పాల్గొన్నారు. అనంతరం భద్రాచలం శ్రీసీతారామచంద్రస్వామిని మంత్రి దర్శించుకున్నారు. ప్రత్యేక పూజలు చేసిన అనంతరం ఆయనకు వేదపండితులు వేదాశీర్వచనం ఇచ్చారు. మంత్రి పువ్వాడ భద్రాచలంలో అధికార పర్యటనలో ఉండగా కేంద్ర ఎన్నికల సంఘం ప్రెస్మీట్ టైంను ప్రకటించింది. ఎన్నికల కోడ్ వస్తుందనే సమాచారంతో టూర్ షెడ్యూల్ కు భిన్నంగా కార్యక్రమాలలో పాల్గొన్నారు.
