ఖమ్మం టౌన్, వెలుగు: ఖమ్మం సిటీలోని పలు డివిజన్లలో అధికార పార్టీ నేతలు ఏర్పాటు చేసిన ఫ్లెక్సీలు, హోర్డింగులను మున్సిపల్అధికారులు తొలగించడం లేదని డీసీసీ అధ్యక్షుడు పువ్వాళ్ల దుర్గాప్రసాద్ మండిపడ్డారు. తాత్కాలికంగా ముసుగు తొడిగి చేతులు దులుపుకుంటున్నారని చెప్పారు. మంగళవారం జిల్లా పార్టీ ఆఫీసులో సిటీ అధ్యక్షుడు జావీద్తో కలిసి దుర్గాప్రసాద్మీడియాతో మాట్లాడారు. అధికారులు నిష్పక్షపాతంగా పనిచేయాలన్నారు.
వాల్పోస్టర్లు తొలగించాలని, పెయింటింగ్స్ ను తుడిచేయాలని కోరారు. జావీద్ పేరుతో ఏర్పాటు చేసిన ఫ్లెక్సీలకు రూ.4 లక్షలు జరిమానా వేసిన అధికారులకు అధికార పార్టీ ఫ్లెక్సీలు కనిపించడం లేదా అని ప్రశ్నించారు. స్పందించకపోతే కాంగ్రెస్ఆధ్వర్యంలో తొలగిస్తామని హెచ్చరించారు. సమావేశంలో మహిళా విభాగం లీడర్ దొబ్బల సౌజన్య, కార్పొరేటర్ లకావత్ సైదులు తదితరులు పాల్గొన్నారు.
