న్యూఢిల్లీ: క్విక్ కామర్స్ ఇండస్ట్రీ లక్షలాది జాబ్స్ ఇవ్వనుంది. వచ్చే ఏడాదిలో ఈ ఇండస్ట్రీ సైజ్‌ 5 బిలియన్ డాలర్ల (రూ.43,500 కోట్ల) కు చేరుకుంటుందని, కొత్తగా 5–5.5 లక్షల ఉద్యోగాలను ఇస్తుందని టీమ్‌లీజ్‌ సర్వీసెస్ రిపోర్ట్ పేర్కొంది. ప్రస్తుతం క్విక్ కామర్స్ ఇండస్ట్రీలో 2.5–3 లక్షల మంది డెలివరీ పార్టనర్లు పనిచేస్తున్నారు. మరో 75 వేల మంది ఆఫీసులు, స్టోర్లలో పనిచేస్తున్నారు. 10–15 నిమిషాల్లో డెలివరీ చేపట్టడాన్ని క్విక్ కామర్స్ అంటున్నారు. జెప్టో, బ్లింకిట్ వంటివి ఈ ఇండస్ట్రీలో లీడర్లు.
