![కొటేషన్ గ్యాంగ్ చిత్రం ట్రైలర్ విడుదల](https://static.v6velugu.com/uploads/2024/06/quotation-gang-movie-trailer-released_9XEewNF4UM.jpg)
జాకీష్రాఫ్, ప్రియమణి, సన్నీలియోన్, సారా అర్జున్ లీడ్ రోల్స్లో తెరకెక్కుతున్న తమిళ చిత్రం ‘కొటేషన్ గ్యాంగ్’. వివేక్ కుమార్ కన్నన్ దర్శకుడు. తాజాగా ఈమూవీ ట్రైలర్ను విడుదల చేశారు. సుపారీకి హత్యలు చేసే గ్యాంగ్ కథ ఇదని ట్రైలర్ను బట్టి అర్థమవుతోంది. ప్రియమణి, సన్నీలియోన్ డబ్బు కోసం మనుషులను చంపే క్రిమినల్స్గా కనిపించారు.
గ్యాంగ్ వార్స్ నేపథ్యంలో ఓ బడా గ్యాంగ్ స్టర్ను హత్య చేయడంతో వీరి జీవితాలు ఎలాంటి మలుపు తిరిగాయనేదే అసలు కథ. కాన్సెప్ట్, విజువల్స్ చూస్తుంటే ‘దండుపాళ్యం’ సినిమా గుర్తొస్తోంది. అలాగే ఇందులో ఓ క్యూట్ లవ్ స్టోరీ కూడా ఉంది. మొత్తానికి ట్రైలర్ ఇంటరెస్టింగ్గా ఉంది. దర్శకుడు వివేక్ కుమార్ కన్నన్తో కలిసి గాయత్రి సురేశ్ నిర్మిస్తున్నారు. రెండు భాగాలుగా రూపొందుతున్న ఈ చిత్రం ఫస్ట్ పార్ట్ను జులైలో విడుదల చేయబోతున్నట్టు ప్రకటించారు.