-
తిరుమలలో వైభవంగా రథసప్తమి ఉత్సవాలు
తిరుమల: కలియుగ వైకుంఠం తిరుమలలో రథసప్తమి వేడుకలు ఘనంగా జరుగుతున్నాయి. ఇవాళ ( ఫిబ్రవరి 16) ఉదయం 5.30 గంటల నుంచి మలయప్ప స్వామికి సూర్యప్రభ వాహనసేవ నిర్వహించారు. ఈ రోజు( ఫిబ్రవరి 16) రాత్రి వరకు వివిధ వాహన సేవలను నిర్వహించనున్నారు. 11-12 గంటల మధ్య చిన్నశేష వాహనం, మధ్యాహ్నం ఒంటిగంట తర్వాత గరుడ వాహన సేవ నిర్వహించారు.
2-3 గంటల మధ్య హనుమంత వాహనంపై స్వామివారు అభయప్రదానం చేశారు. సాయంత్రం 4 గంటలకు శ్రీవారికి చక్రస్నానం నిర్వహించారు.. అనంతరం కల్పవృక్ష, సర్వభూపాల, చంద్రప్రభ వాహన సేవలు నిర్వహించనున్నారు. వేడుకల నేపథ్యంలో మహాద్వారం నుంచి స్వామి సన్నిధి వరకు పుష్పాలంకరణ చేశారు. ఇందుకోసం ఏడు టన్నుల సంప్రదాయ పుష్పాలు, 50వేల కట్‌ ఫ్లవర్స్‌ వినియోగించారు.
