మంచిర్యాల, వెలుగు : మంచిర్యాల నియోజకవర్గ బీజేపీ టికెట్ ఊహించినట్లుగానేఆ పార్టీ జిల్లా అధ్యక్షుడు వెరబెల్లి రఘునాథ్ రావుకు దక్కింది. గురువారం రిలీజ్ చేసిన థర్డ్ లిస్టులో ఆయన పేరును పార్టీ హైకమాండ్ ప్రకటించింది. రఘునాథ్ రావు 2018 ఎన్నికల్లో బీజేపీ నుంచి పోటీ చేసి ఓడిపోయారు. ఆ తర్వాత జిల్లా అధ్యక్షుడిగా పగ్గాలు చేపట్టి పార్టీ బలోపేతానికి కృషి చేశారు. జిల్లా ప్రజలు ఎదుర్కొంటున్న వివిధ సమస్యలపై పోరాడుతూనే.. మరోవైపు రఘునాథ్ వెరబెల్లి ఫౌండేషన్ ద్వారా సేవా కార్యక్రమాలు చేపడుతూ ప్రజలకు దగ్గరయ్యారు. రఘునాథ్కు భార్య స్రవంతి, కూతుళ్లు అరుణిమ, అన్విత ఉన్నారు.
ఆసిఫాబాద్ నుంచి ఆత్మారాం నాయక్
ఆసిఫాబాద్ : ఆసిఫాబాద్ నియోజవర్గం బీజేపీ అభ్యర్థిగా అజ్మీర ఆత్మారాం నాయక్ వైపే పార్టీ హైకమాండ్ మొగ్గుచూపింది. గురువారం రిలీజ్చేసిన థర్డ్ లిస్టులో ఆయన పేరును ప్రకటించారు. గత ఎన్నికల్లో బీజేపీ తరపున పోటీ చేసిన ఆత్మారాం మూడో స్థానంలో నిలిచారు. అధిష్టానం ఆయనకు మరోసారి అవకాశం ఇవ్వడంతో పార్టీ నేతలు సంబరాలు చేసుకున్నారు.
ALSO READ : అవసరమైతే మరిన్ని చెక్పోస్టులు ఏర్పాటు చేస్తం : సీపీ డీఎస్ చౌహాన్
