Maharaja T20: తండ్రికి భిన్నంగా తనయుడు.. ద్రవిడ్ కుమారుడు భారీ సిక్స్

భారత క్రికెట్ లో రాహుల్ ద్రవిడ్ పేరును ప్రత్యేకంగా పరిచయం చేయాల్సిన పని లేదు. దశాబ్దానికి పైగా దేశానికి తన సేవలను అందించి క్రికెట్ లో తనకంటూ ఒక గుర్తింపు తెచ్చుకున్నాడు. తన దుర్బేధ్యమైన డిఫెన్స్ తో ప్రత్యర్థి బౌలర్లకు సవాలుగా నిలిచి భారత క్రికెట్ లో దిగ్గజాల లిస్ట్ లో చేరాడు. ఇతడు క్రీజ్ లో నిలకడగా పరుగులు చేసినా పరుగుల వేగం తగ్గుతుందనే పేరుంది. స్లో గా ఆడినా అంతకంటే ముఖ్యమైన వికెట్ ను కాపాడతాడు. అయితే అతని కొడుకు సమితి మాత్రం ఒక్క సిక్సర్ తో అందరి చూపు తన వైపు తిప్పుకున్నాడు.

దిగ్గజ క్రికెటర్ రాహుల్ ద్రవిడ్ కొడుకు సమిత్ క్రికెట్ లోకి వేగంగా దూసుకొస్తున్నాడు. ప్రస్తుతం కర్ణాటకలోని అత్యుత్తమ ప్రీమియర్ లీగ్ మహారాజా టీ20 టోర్నీ ఆడుతున్నాడు. మైసూర్ వారియర్స్ తరపున ఆడుతున్న సమిత్ చిన్నస్వామి స్టేడియంలో బెంగళూరు బ్లాస్టర్స్‌తో జరిగిన మ్యాచ్ లో భారీ సిక్సర్ తో అలరించాడు. ఈ మ్యాచ్ లో 7 పరుగులే చేసి ఔటైనా.. అతను భారీ సిక్సర్ కొట్టడం వైరల్ గా మారింది. తండ్రి మాదిరి డిఫెన్స్ కు పరిమితమవుతాడనుకుంటే సిక్సర్ కొట్టి శెభాష్ అనిపించాడు. అయితే సిక్సర్ కొట్టిన వెంటనే నవీన్ బౌలింగ్ లో కీపర్ కు క్యాచ్ ఇచ్చి ఔటయ్యాడు.