సికింద్రాబాద్, వెలుగు : గ్రేటర్సిటీ పరిధిలో తిరిగే ఎంఎంటీఎస్, డెము రైళ్లను రెండు రోజులపాటు రద్దు చేస్తున్నట్లు రైల్వే అధికారులు తెలిపారు. సికింద్రాబాద్ రైల్వేస్టేషన్లో జరుగుతున్న అభివృద్ధి పనులు, ఫుడ్ఓవర్బ్రిడ్జి నిర్మాణ పనుల కారణంగా శని, ఆదివారాల్లో ఎంఎంటీఎస్, డెము రైళ్లు అందుబాటులో ఉండవన్నారు. మేడ్చల్–- లింగంపల్లి, సికింద్రాబాద్– మేడ్చల్, హైదరాబాద్– -మేడ్చల్ మధ్య నడిచే ఎనిమిది ఎంఎంటీఎస్ రైళ్లను శనివారం నాడు రద్దు చేశారు.
అలాగే ఫలక్నుమా – -సికింద్రాబాద్, మేడ్చల్– -సికింద్రాబాద్, మేడ్చల్– -లింగంపల్లి, హైదరాబాద్– -మేడ్చల్ మధ్య నడిచే 10 ఎంఎంటీఎస్ రైళ్లను శని, ఆదివారాలు రద్దు చేశారు. అలాగే సిద్దిపేట – -సికింద్రాబాద్, సికింద్రాబాద్– -సిద్దిపేట మధ్య నడిచే నాలుగు డెము రైళ్లను శని, ఆదివారం నాడు రద్దు చేసినట్లు అధికారులు వెల్లడించారు. ప్రయాణికులు ప్రత్యామ్నాయం చూసుకోవాలని సూచించారు.
