-
హనుమకొండ జిల్లా ఉప్పల్ రైల్వే స్టేషన్ పరిధిలో ఘటన
కాజీపేట, వెలుగు : కోర్బా ఎక్స్ ప్రెస్ ఢీకొని రైల్వే కార్మికుడు మృతిచెందిన ఘటన హనుమకొండ జిల్లాలో జరిగింది. కాజీపేట రైల్వేహెడ్ కానిస్టేబుల్ భాస్కర్ తెలిపిన వివరాలిలా ఉన్నాయి. ధర్మసాగర్ మండలం మల్లక్ పల్లికి చెందిన శివకుమార్ (34) ఉప్పల్ రైల్వే స్టేషన్ సమీపంలోని లెవల్ క్రాసింగ్ గేట్ వద్ద విధులు నిర్వహిస్తున్నాడు. శుక్రవారం ఉదయం11 గంటలకు కోర్బా ఎక్స్ ప్రెస్ రైలు ఢీకొని శివకుమార్ స్పాట్ లో చనిపోయాడు. మృతుడికి భార్య, కొడుకు ఉన్నారు. డెడ్ బాడీని పోస్టుమార్టం కోసం ఎంజీఎంకు తరలించారు.
