హైదరాబాద్ వర్షం మొదలైంది. 2024, ఆగస్ట్ 26వ తేదీ.. సోమవారం సాయంత్రం వరకు పొడిగా ఉన్న వెదర్.. సాయంత్రం 6 గంటల తర్వాత ఒక్కసారిగా మారిపోయింది. దట్టమైన మబ్బులతో.. సిటీ వ్యాప్తంగా వర్షం మొదలైంది. వర్షంతోపాటు జూబ్లీహిల్స్, బంజారాహిల్స్ ప్రాంతాల్లో ఈదురుగాలులు ఉన్నాయి.
సిటీలో కూకట్ పల్లి, కూకట్ పల్లి హౌసింగ్ బోర్డు, బంజారాహిల్స్, జూబ్లీహిల్స్, ఫిల్మ్ నగర్, పుప్పాలగూడ, మాసబ్ ట్యాంక్, నార్సింగ్, శంకర్ పల్లి ఏరియాల్లో వర్షం పడుతుంది. ఆఫీసుల నుంచి ఇళ్లకు వెళ్లే సమయం కావటంతో వాహనాలు నిదానంగా సాగుతున్నాయి.
హైదరాబాద్ సిటీ శివార్లలోనూ భారీ వర్షం పడుతుంది. వికారాబాద్ నుంచి హైదరాబాద్ వరకు వర్షం పడుతుంది. కొన్ని ప్రాంతాల్లో భారీ వర్షం పడుతుంది. ఈదురుగాలులు ఉన్నాయి.
