హైదరాబాద్, వెలుగు: రాష్ట్రంలో మూడు రోజుల పాటు మోస్తరు నుంచి భారీ వర్షాలు కురిసే అవకాశం ఉందని వాతావరణ శాఖ (ఐఎండీ) తెలిపింది. పలు జిల్లాలకు ఎల్లో అలర్ట్ను జారీ చేసింది. ఆదిలాబాద్, నిర్మల్, నిజామాబాద్, కామారెడ్డి జిల్లాల్లో భారీ వర్షాలు.. మిగతాచోట్ల ఈదురుగాలులతో కూడిన మోస్తరు వర్షాలు పడే చాన్స్ ఉందని వెల్లడించింది. మరోవైపు ఆదివారం ఆదిలాబాద్, కుమ్రంభీం ఆసిఫాబాద్, నిర్మల్, మంచిర్యాల, పెద్దపల్లి, కరీంనగర్, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, రాజన్న సిరిసిల్ల, కామారెడ్డి, యాదాద్రి భువనగిరి, హైదరాబాద్లో పలుచోట్ల వర్షం కురిసింది.
అత్యధికంగా జయశంకర్ జిల్లా చేల్పూరులో 6.2 సెంటీ మీటర్ల వర్షపాతం నమోదైంది. సిరిసిల్ల జిల్లా నేరెళ్లలో 4.6, భూపాలపల్లిలో 4.4, నిర్మల్ జిల్లా కద్దం పెద్దూరులో 4.2, భద్రాద్రి జిల్లా బూర్గంపహాడ్లో 3.9, సిద్దిపేట జిల్లా రాఘవాపూర్లో 3.9, మంచిర్యాల జిల్లా భీమారంలో 3.5, కుమ్రంభీం జిల్లా జైనూరులో 2.7, ములుగు జిల్లా మంగపేటలో 2.7 సెంటీమీటర్ల వర్షపాతం రికార్డయింది. ఇటు జీహెచ్ఎంసీ పరిధిలోని హయత్నగర్లో 2.3 సెంటీమీటర్ల వర్షపాతం నమోదైంది. హయత్నగర్ డిఫెన్స్ కాలనీలో 2, ఆస్మాన్గఢ్లో 1.5, హస్తినాపురంలో 1.4, సైదాబాద్లో 1.2, సరూర్నగర్లో 1.2 సెంటీమీటర్ల వర్షం కురిసింది.
