- లోకల్ మందుతోనే పార్టీ చేసుకున్నామన్న రాజ్
- ఫారిన్ లిక్కర్ సంగతి ఫామ్ హౌస్ సూపర్ వైజర్ కార్తీక్కే తెలుసంటూ సమాధానం!
- నాగేశ్వర్ రెడ్డిని కూడా విచారించిన పోలీసులు
చేవెళ్ల, వెలుగు: లోకల్ లిక్కర్ తోనే తన ఫామ్ హౌస్ లో పార్టీ చేసుకున్నామని కేటీఆర్ బామ్మర్ది రాజ్ పాకాల ఎక్సైజ్ పోలీసుల విచారణలో తెలిపాడు. ఒకవేళ తన ఫామ్ హౌస్ లో ఫారిన్ లిక్కర్ ఉండి ఉంటే, అది సూపర్వైజర్కార్తీక్ (ఏ1)కే తెలుసని చెప్పాడు. ‘మీకు తెలియకుండా మీ ఫామ్హౌస్లోకి ఫారిన్లిక్కర్ఎలా వచ్చింది?’ అని అధికారులు ప్రశ్నించగా.. తనకు తెలియదని సమాధానమిచ్చాడు. జన్వాడ ఫామ్ హౌస్ పార్టీ కేసులో రాజ్ పాకాల (ఏ2), నాగేశ్వర్ రెడ్డి (ఏ3)ని శుక్రవారం చేవెళ్ల ఎక్సైజ్ పోలీస్ స్టేషన్ లో విచారించారు. ఇద్దరిని వేర్వేరుగా ప్రశ్నించారు. రాజ్పాకాల విచారణ మధ్యాహ్నం 1:50 గంటలకు ప్రారంభమై రాత్రి 8:18 గంటలకు ముగిసింది. మధ్యలో మూడున్నర గంటల ప్రాంతంలో లంచ్బ్రేక్ఇచ్చారు. ఇక నాగేశ్వర్ రెడ్డిని సాయంత్రం 5:30 గంటల నుంచి 9 గంటల వరకు విచారించారు. వీరిని ఎక్సైజ్ డిప్యూటీ కమిషనర్ దశరథ్, ఎక్సైజ్ ఎన్ఫోర్స్మెంట్ఏఈఎస్ జీవన్ కిరణ్, చేవెళ్ల సీఐ శ్రీలత ప్రశ్నించారు.
దాదాపు 50 ప్రశ్నలు..
ఫామ్హౌస్లో దొరికిన 7 లీటర్ల ఫారిన్లిక్కర్ఆధారంగానే రాజ్ పాకాలను ఎక్సైజ్ అధికారులు ఎక్కువ ప్రశ్నలు అడిగారు. ‘‘దావత్ కు పర్మిషన్ ఎందుకు తీసుకోలేదు? ఫారిన్లిక్కర్ఎక్కడి నుంచి ఎంత తెచ్చారు? ఏ విమానంలో, ఎవరు తీసుకొచ్చారు? ఎయిర్ పోర్టులో చెక్ చేయలేదా? తనిఖీల నుంచి ఎలా తప్పించుకున్నారు? హైదరాబాద్ కు తెచ్చినంక ఎవరింట్లో పెట్టారు? ఎక్సైజ్ డ్యూటీ ఎందుకు కట్టలేదు? ఫారిన్ లిక్కర్కు బిల్లు ఉందా? పార్టీకి తెచ్చిన మందు తెలంగాణలో ఎక్కడ కొన్నారు? దాని బిల్లు ఉందా?’’ అని దాదాపు 50 ప్రశ్నలు సంధించారు. అయితే తన ఫామ్హౌస్లో ఫారిన్లిక్కర్దొరికి ఉండొచ్చని, కానీ దానితో తనకేం సంబంధం లేదని, అదంతా సూపర్వైజర్కార్తీక్కే తెలుసని రాజ్ పాకాల సమాధానమిచ్చాడు. ఇక కొన్ని ప్రశ్నలకు తెలియదు, గుర్తులేదు అని జవాబిచ్చినట్టు సమాచారం. కాగా, ఈ కేసులో ఏ3గా ఉన్న నాగేశ్వర్ రెడ్డిని కూడా ఎక్సైజ్ పోలీసులు విచారించారు. ఓరియన్ విల్లాలో నాగేశ్వర్ రెడ్డి ఇంట్లో 49 బాటిల్స్దొరకగా, అందులో 28 బాటిల్స్ఫారిన్లిక్కర్ఉంది. ఇందులో ఆరు ఫుల్బాటిల్స్కాగా, మిగతా 22 ఖాళీ బాటిల్స్. దీంతో వాటికి సంబంధించే నాగేశ్వర్రెడ్డికి ప్రశ్నలు వేశారు.
లోకల్ మందుతో చిన్న దావతే: రాజ్ పాకాల
విచారణ తర్వాత రాజ్ పాకాల ఇంటికి వెళ్తూ మీడియాతో మాట్లాడాడు. ‘‘ఎక్సైజ్ పోలీసులు అడిగిన ప్రశ్నలకు సమాధానం ఇచ్చిన. చిన్న దావత్ చేసుకున్నమని చెప్పిన. ఫామ్ హౌస్ లోపల దొరికింది లోకల్మందే.. దాన్నే సీజ్ చేశారు. సివిల్ పోలీసులు కూడా విచారణ చేశారు కదా.. ఏముంది దావత్ చేసుకున్నామని చెప్పినా అంతే” అని తెలిపాడు.
