రామోజీ ఫిల్మింసిటీలోని తన నివాసంలో రామోజీ రావు భౌతిక కాయానికి పలువురు సినీ, రాజకీయ ప్రముఖులు నివాళి అర్పిస్తున్నారు. టీడీపీ అధినేత చంద్రబాబు నివాళి అర్పించారు. డైరెక్టర్ రాజమౌళి, ఎంఎం కీరవాణి, దర్శకుడు రాఘవేందర్ రావు, నటుడు సీనియర్ నరేష్, కళ్యాణ్ రామ్, అశ్వనీదత్, కాంగ్రెస్ సీనియర్ నేత జానారెడ్డి,మంత్రి పొంగులేటి శ్రీనివాస్ రెడ్డి, మాజీమంత్రి హరీశ్ రావు,తలసాని నివాళి అర్పించారు.
డైరెక్టర్ రాజమౌళి కన్నీటి పర్యంతం అయ్యారు. రామోజీరావుకు భారత రత్నకు అర్హుడని అన్నారు. రామోజీ ఫిల్మింసిటీతో లక్షలాది మందికి ఉపాధి కల్పిస్తున్నారని అన్నారు.రామోజీకి భారతరత్నే నిజమైన నివాళి అని అన్నారు.
అనారోగ్యంతో ఇవాళ ఉదయం కన్నుమూసిన రామోజీరావు అంత్యక్రియలను తెలంగాణ ప్రభుత్వం అధికారికి లాంఛనాలతో నిర్వహించనుంది. రామోజీ మనవడు అమెరికా నుంచి రావాల్సి ఉంది. రామోజీ అంత్యక్రియలు జూన్ 9న జరగనున్నాయి.
