ప్రస్తుతం ఇండియా నుండి వస్తున్న మోస్ట్ యాంటిసిపేటెడ్ అండ్ హైపుడ్ మూవీ ఏదైనా ఉందంటే అది మహేష్ బాబు(Mahesh babu), రాజమౌళి(Rajamoulli) కాంబోలో వస్తున్న మూవీ (SSRMB29) అని చెప్పాలి.
టాలీవుడ్ సినీ చరిత్రలో అపజయం లేని డైరెక్టర్ గా చెరగని ముద్ర వేశారు దర్శక ధీరుడు రాజమౌళి. అలాగే ప్రతి ఒక్కరి కలల రాజకుమారుడిగా గుర్తింపు పొందారు మహేష్ బాబు. దీంతో వీరిద్దరి ప్రాజెక్ట్ పై చిన్న న్యూస్ తెలిసిన చాలు..అది మాకు ఎంతో సంతోషం అంటూ సినీ ఫ్యాన్స్ ఎదురుచూస్తున్నారు.
లేటెస్ట్ అప్డేట్ ప్రకారం..డైరెక్టర్ రాజమౌళి ఈ సినిమాను రూ. 1000 కోట్లకు పైగా బడ్జెట్‌ తో తెరకెక్కిస్తున్నాడు. ఈ మూవీ కోసం టాలీవుడ్ నుంచి హాలీవుడ్ వరకు నటులతో పాటు టెక్నీషియన్స్ కూడా వర్క్ చేస్తున్నారట. ఇప్పటికే స్క్రిప్ట్ వర్క్ కంప్లీట్ చేసుకుని, లొకేషన్స్ వేట కూడా పూర్తి చేసుకున్నట్టు తెలుస్తోంది.అయితే, ఈ సినిమా అనౌన్స్ మెంట్ ఇంకా రాకపోవడానికి బలమైన కారణమే ఉందంటూ సినీ సర్కిల్ లో టాక్ వినిపిస్తోంది.
అదేంటంటే..ఈ సినిమాని సీనియర్ ప్రొడ్యూసర్ కెఎల్ నారాయణ భారీ బడ్జెట్‌తో నిర్మించబోతున్నారు. కానీ హాలీవుడ్ రీచ్ కావడానికి.. ఓ ప్రముఖ హాలీవుడ్ ప్రొడక్షన్ కంపెనీని భాగస్వామ్యం చేయడానికి మేకర్స్ ట్రై చేస్తున్నట్టుగా సమాచారం. ఇప్పటికే రెండు మూడు హాలీవుడ్ ప్రొడక్షన్ కంపెనీలతో రాజమౌళి చర్చలు జరుపుతున్నారని సినీ సర్కిల్ నుంచి టాక్ వినిపిస్తోంది. ఇందులో ఏదో ఒక ప్రొడక్షన్ కంపెనీతో డీల్ ఓకే అయ్యాక సినిమా అనౌన్స్ చేస్తారని సమాచారం.
ప్రస్తుతం జక్కన్న హాలీవుడ్ కన్ఫర్మేషన్ కోసం ఎదురు చూస్తున్నట్లు తెలుస్తోంది. ఈ పుకార్లు నిజమైతే, మార్వెల్ సినిమాల్లో థోర్ పాత్రలో నటించిన క్రిస్ హేమ్స్‌వర్త్ ఈ చిత్రంలో ఉండవచ్చు. అయితే, ఇంకా అధికారికంగా ధృవీకరించబడలేదు.ఈ సినిమాను ప్రత్యేకంగా తీర్చిదిద్దేందుకు రాజమౌళి చాలా కష్టపడుతున్నారు. అంతర్జాతీయ ప్రేక్షకులను ఆకట్టుకునేలా దీన్ని రూపొందించాలని ప్లాన్ చేస్తున్నాడు.
దాదాపు రెండు సంవత్సరాల పాటు మహేష్..రాజమౌళి షూటింగ్ సెట్ లోనే గడిపే అవకాశం కనిపిస్తోంది. అయితే ఈ ప్రతిష్టాత్మక ప్రాజెక్ట్‌కి సంబంధించిన మరిన్ని అప్‌డేట్‌ల కోసం అభిమానులు ఆసక్తిగా ఎదురుచూస్తున్నందున..రోజురోజుకూ అంచనాలు పెరుగుతున్నాయి.
హై-వోల్టేజ్ యాక్షన్‌ అండ్ అడ్వెంచరస్ ఎంటర్టైనర్ గా రానున్న ఈ సినిమాలో మహేష్ బాబుకు జోడీగా ఇండోనేషియా నటి చెల్సియా ఎలిజబెత్ నటించనుందని తెలుస్తోంది. రాజమౌళి తండ్రి విజయేంద్రప్రసాద్ కథ అందిస్తుండగా..కీరవాణి మ్యూజిక్ సమకూరుస్తున్నారు.
