రాజాపేట, వెలుగు : స్కూల్లో అందిస్తున్న భోజనం బాగుందా..? అందరికీ స్కూల్డ్రెస్ ఇచ్చారా..? అని స్టూడెంట్స్ను కలెక్టర్హనుమంతు జెండగే అడిగి తెలుసుకున్నారు. మంగళవారం రాజాపేట మండలం పాముకుంట, కాషగూడెం ప్రభుత్వ స్కూళ్లను ఆయన ఆకస్మికంగా తనిఖీ చేశారు. ఈ సందర్భంగా స్కూల్స్లో పరిసరాలను పరిశీలించారు. భోజనం వండుతున్న తీరును గమనించారు.
కొందరు స్టూడెంట్స్స్కూల్ డ్రెస్ లేకుండా ఉండడం గమనించిన ఆయన 'అందరికీ స్కూల్ డ్రెస్ ఇచ్చారా.?' అని అడిగారు. నాలుగు, ఆరో తరగతి చదువుతున్న స్టూడెంట్స్తో పాఠ్యాంశాలను చదివించారు. అనంతరం అంగన్వాడీ సెంటర్ను ఆయన సందర్శించారు. పిల్లల హాజరు రిజిస్టర్, స్టాక్ రిజిస్టర్, బియ్యం, పాల ప్యాకెట్లు, కోడి గుడ్లను పరిశీలించారు. చిన్నారులతో ఆయన కొద్దిసేపు ముచ్చటించారు. కలెక్టర్ వెంట తహసీల్దార్ దామోదర్, ఎంపీడీవో నాగవేణి, ఎంఈవో రమేశ్, అంగన్వాడీ టీచర్ కృష్ణవేణి తదితరులు ఉన్నారు.
