చార్మినార్ వద్ద రాజీవ్ గాంధీ 34వ సద్భావన యాత్ర సంస్మరణ దినోత్సవం జరిగింది. ఈ కార్యక్రమానికి రాజీవ్ గాంధీ సద్భావన యాత్ర స్మారక కమిటీ అధ్యక్షుడు, రాష్ట్ర బీసీ కమిషన్ చైర్మన్ జి. నిరంజన్ ముఖ్య అతిథిగా హాజరయ్యారు. ఈకార్యక్రమంలో టీపీసీసీ చీఫ్ మహేష్ కుమార్ గౌడ్ మాట్లాడుతూ.. దేశం కోసం గాంధీ కుటుంబం ప్రాణం త్యాగం చేసిందనన్నారు. దేశ సమగ్రతకు ఇందిరాగాంధీ, రాజీవ్ గాంధీ ఎంతో కష్టపడ్డారని.. దేశంలో సాంకేతిక విప్లవాన్ని రాజీవ్ గాంధీ తెచ్చారన్నారు.
బీఆర్ఎస్ నేతలు సంస్కారం లేకుండా మాట్లాడుతన్నారన్నారు. తెలంగాణ పేరుతో కేసీఆర్ రాష్ట్రాన్ని దోచుకున్నారని టీపీసీసీ చీఫ్ అన్నారు. మూసీ ప్రక్షాళన విషయంలో బీఆర్ఎస్ రాజకీయం చేస్తుందన్నారు.
ALSO READ | అలాంటి భూములకు రైతు భరోసా ఇవ్వం: మంత్రి తుమ్మల
ప్రస్తుతం బీజేపీ మతాలు.. కులా పేరుతో దేశాన్ని విచ్చిన్నం చేస్తుందన్నారు. నిజాం దూరదృష్టితో హైదరాబాద్ సిటీని అభివృద్ది చేశారని టీపీసీసీ చీఫ్ అన్నారు. ప్రస్తుతం చినుకు పడితే నగరం అల్లకల్లోలం అవుతుందన్నారు. కంటిన్యూగా 3 గంటలు వర్షం పడితే నగరం మునిగిపోతుంది.నగరాన్ని కాపాడేందుకు సీఎం రేవంత్ రెడ్డి హైడ్రా ఏర్పాటు చేశారన్నారు.
