హైదరాబాద్ ఫుట్పాత్లపై ఉన్న షాపులను అధికారులు తొలగిస్తున్నారు. రాజేంద్రనగర్ సర్కిల్ శాస్త్రీపురంలో ఫుట్ పాత్లపై వెలిసిన కట్టడాలను జీహెచ్ఎంసీ టౌన్ ప్లానింగ్ అధికారులు తొలగిస్తున్నారు. రోడ్డుకు ఇరువైపులా ఫుట్ పాత్లపై వెలసిన కట్టడాలను కూల్చివేశారు. వ్యాపారస్తులు రోడ్డుకు ఇరువైపులా స్థలాన్ని ఆక్రమించి బిజినెస్ చేసుకుంటున్నారు. ఫుట్ పాత్ను కబ్జా చేయడంతో వాహనదారులు ఇబ్బంది పడుతున్నారు. సాయంత్రం వేళల్లో గంటల తరబడి ట్రాఫిక్ జాం కావడంతో కాలనీ వాసులు తీవ్ర ఇబ్బందులు ఎదుర్కొంటున్నారు.
ఫుట్ పాత్లను తొలగగిస్తుండగా స్థానికులు అడ్డుకున్నారు. దీంతో పోలీస్ బందోబస్తుతో కూల్చివేతల పర్వాన్ని కొనసాగిస్తున్నారు, గతంలో జీహెచ్ఎంసీ సిబ్బంది పలుమార్లు వ్యాపారసముదాయాలను.. షాపులను తొలగించాలని హెచ్చరించారు. రాజేంద్రనగర్GHMC మున్సిపల్ కమిషనరేట్ పరిధిలో అక్రమంగా వెలిసిన కట్టడాలను డబ్బాలను.. ఉపేక్షించేది లేదని రాజేంద్రనగర్ డిప్యూటీ కమిషనర్ రవికుమార్ అన్నారు..
