సూపర్ స్టార్ రజనీకాంత్ (Rajinikanth)..టాలీవుడ్ కలెక్షన్ కింగ్ నటుడు మోహన్ బాబు(Mohan Babu) ఎంతటి ప్రాణ స్నేహితులో అందరికీ తెలిసిందే. వీరిద్దరి కలయికలో వచ్చిన బ్లాక్ బస్టర్ మూవీ పెదరాయుడు. ఈ సినిమాలో రజనీకాంత్ పాపారాయుడిగా అతిథి పాత్రలో నటించి విజయపథంలో నడిపించాడు.
తాజా విషయానికి వస్తే..రజనీకాంత్, మోహన్ బాబు వీరిద్దరూ కలిసి శుక్రవారం (జూలై 4న) చెన్నై నుంచి హైదరాబాద్ విమానాశ్రయానికి చేరుకున్నారు. అయితే, వీరిద్దరూ విమానంలో కలిసి ప్రయాణిస్తున్న ఫొటోను మోహన్‌బాబు ట్విట్టర్ X లో పోస్ట్‌ చేశారు. ‘అప్పుడు.. ఇప్పుడు.. ఎప్పుడైనా స్నేహమేరా జీవితం..’అనే క్యాప్షన్‌ పెట్టారు. ఈ ఫొటోలో రజినీకాంత్..మోహన బాబును ఆప్యాయంగా దగ్గరికి తీసుకుని ఒకరికొకరు అన్నట్టుగా ఉంది. అలాగే ఈ ఫోటోకి మోహన్ బాబు పెట్టిన క్యాప్షన్‌ చూసిన తెలుగు తమిళ ఇండస్ట్రీ ఫ్యాన్స్ మస్తు ఖుషి అవుతున్నారు. అయితే, ఈ ఫోటో చూడగానే, ప్రస్తుతం మోహన్ బాబు తెరకెక్కిస్తున్న కన్నప్ప సినిమాలో రజనీ ఏదైనా అతిథి పాత్రలో నటిస్తున్నాడా? అంటూ నెటిజన్స్ కామెంట్స్ చేస్తున్నారు. కానీ, అందులో నిజం లేదు.
అప్పుడు ఇప్పుడు ఎప్పుడైనా స్నేహమేరా జీవితం...@rajinikanth pic.twitter.com/rG5izlETSe
— Mohan Babu M (@themohanbabu) July 5, 2024
తలైవా ప్రస్తుతం లోకేష్ కనగరాజు డైరెక్షన్ లో కూలీ సినిమా చేస్తున్నాడు.ప్రస్తుతం షూటింగ్ కోసం హైదరాబాద్ వచ్చినట్లు తెలుస్తోంది. ఇకపోతే మోహన్‌బాబు చెన్నైలో జరిగిన హీరోయిన్ వరలక్ష్మీ శరత్‌కుమార్‌ రిసెప్షన్‌కు హాజరై తిరిగి హైదరాబాద్‌కు వచ్చారు. దీంతో వీళ్లిద్దరూ ఒకే విమానంలో కలిసి ప్రయాణించారు. ఆత్మీయంగా కలిసిన వీరిద్దరూ..ఎందరో ఫ్యాన్స్ కి కనువిందుగా చేసింది.ప్రస్తుతం మోహన్‌బాబు, రజనీకాంత్‌లు ఎయిర్‌పోర్టు నుంచి బయటకు వస్తున్న వీడియో సోషల్ మీడియాలో హల్‌చల్ చేస్తోంది.చూసేయండి.
