- జడ్పీ ఉపాధ్యక్షురాలు రజితాయాదవ్ ఘర్వాపస్ అదేబాటలో సిటీలోని కార్పొరేటర్ల భర్తలు, మాజీ కార్పొరేటర్లు
నెట్వర్క్, వెలుగు: జిల్లా పరిషత్ ఉపాధ్యక్షురాలు రజితాయాదవ్ గురువారం బీఆర్ఎస్ ను వీడి కాంగ్రెస్లో చేరారు. బోధన్ ఎమ్మెల్యే సుదర్శన్రెడ్డి హైదరాబాద్లోని తన ఇంట్లో ఆమెకు కండువా కప్పి పార్టీలోకి ఆహ్వానించారు. కాంగ్రెస్ ఎంపీపీగా పనిచేసిన రజితాయాదవ్, 2018లో బీఆర్ఎస్లో చేరారు. జడ్పీటీసీగా గెలిచి, జిల్లా పరిషత్ ఉపాధ్యక్ష పదవిని సొంతం చేసుకున్నారు. రజితాయాదవ్ భర్త ఎల్లయ్య యాదవ్ పదేండ్ల పాటు ఎడపల్లి సర్పంచ్ గా, కాంగ్రెస్ మండలాధ్యక్షుడిగా పనిచేశారు. ఇప్పుడు భార్యభర్తలిద్దరూ ఘర్వాపసీ అయ్యారు.
అర్బన్లో కార్పొరేటర్ల భర్తలు..
నిజామాబాద్ కార్పొరేషన్కు చెందిన మహిళా కార్పొరేటర్ల భర్తలు పంచారెడ్డి సూరి, అరుణ్, నుడా డైరెక్టర్ కన్నా బాలాజీ, మాజీ కార్పొరేటర్లు కొండపాక రాజేశ్, బొబ్బిలి మురళి, పురుషోత్తం గులాబీ పార్టీ నుంచి బయటకు వచ్చేశారు. ప్రభుత్వ సలహాదారు షబ్బీర్అలీ సమక్షంలో కాంగ్రెస్లో చేరారు. వారి వెంట నాయిని సృజన్, మార ప్రభు, అనీల్యాదవ్, గంగరాజు, రవి, నర్సింహా, బీఎల్ రాజు కూడా కాంగ్రెస్ కండువాలు కప్పుకున్నారు.
Also read : నందికొండ చైర్‌‌పర్సన్‌పై నెగ్గిన అవిశ్వాసం
ఆర్మూర్లో సింగిల్ విండో చైర్మన్
ఆర్మూర్ మున్సిపాలిటీ పరిధిలోని పెర్కిట్ సింగిల్ విండో చైర్మన్ పెంట భోజారెడ్డి బీఆర్ఎస్ ను వీడి కాంగ్రెస్లో చేరారు. డైరెక్టర్లు చింతకుంట రాజు, కటిక శ్రీనివాస్తో పాటు బీఆర్ఎస్ పార్టీ మాజీ మండలాధ్యక్షుడు డేర మోహన్, టౌన్ వైస్ప్రెసిడెంట్ సుభాష్గౌడ్ను సెగ్మెంట్ ఇన్చార్జి వినయ్రెడ్డి కాంగ్రెస్లోకి ఆహ్వానించారు.
