‘జబర్దస్త్’ షోతో పాపులర్ అయిన రాకింగ్ రాకేష్.. హీరోగా నటిస్తూ నిర్మించిన చిత్రం ‘కేశవ చంద్ర రమావత్.. కేసీఆర్’. అనన్య కృష్ణన్ హీరోయిన్‌. ‘గరుడవేగ’ అంజి రూపొందించిన ఈ సినిమా శుక్రవారం ప్రేక్షకుల ముందుకొస్తుంది. ఈ సందర్భంగా రాకేష్ మాట్లాడుతూ ‘లంబాడీ కుటుంబంలో పుట్టిన ఒక కుర్రాడు, తన ఊర్లో జరుగుతున్న ఒక దారుణానికి చలించి, హైదరాబాదులో అడుగుపెట్టి, తన ఊరు కోసం ఏం చేశాడు, తన ఊర్లో ఎలాంటి అవమానాలు పడ్డాడు, చివరికి ఆ ఊర్లో తను ఓ స్టార్ ఎలా అయ్యాడు అనేది కథ.
దీనికి రియల్ ఇన్సిడెంట్స్ స్ఫూర్తి కూడా ఉంది. ఒక కమెడియన్ ఏ పాత్రనైనా చేయగలడు అని ఇప్పటికే చాలామంది నిరూపించారు. అలాగే ఈ కథే నన్ను యాక్ట్ చేసేలా చేసింది. నేను అనుకున్న కథను స్ర్కీన్‌‌పై తీసుకురావడానికి గరుడవేగ అంజి డైరెక్టర్‌‌‌‌గా, సినిమాటోగ్రాఫర్‌‌‌‌గా నాకు చాలా సపోర్ట్ చేశారు. ఆయన సీనియారిటీ నాకు ఎంతో ఉపయోగపడింది. ఈ సినిమాకి కేసీఆర్ టైటిల్ ఉన్నప్పటికీ ఇది ఏ పార్టీని, వ్యక్తిని ఉద్దేశించి కాదు. పార్టీలకు అతీతంగా చేసిన సినిమా ఇది. మల్టీప్లెక్స్, సింగిల్ స్ర్కీన్‌‌లలో టికెట్ రేట్లు తగ్గించాం. అందరూ చూడాలని కోరుతున్నా’ అని అన్నాడు.
