Game Changer Box Office: అఫీషియల్.. గేమ్ ఛేంజర్ డే 1 బాక్సాఫీస్ కలెక్షన్స్ ఎన్ని కోట్లంటే?

రామ్ చరణ్-శంకర్ల ప్రెస్టీజియస్ మూవీ గేమ్ ఛేంజర్ రిలీజై బాక్సాఫీస్ను ప్రారంభించింది. తాజాగా గేమ్ ఛేంజర్ మేకర్స్ వరల్డ్ వైడ్ ఫస్ట్ డే కలెక్షన్స్ను అధికారికంగా ప్రకటించారు. శుక్ర‌వారం (జనవరి 10న) ఈ మూవీ రూ.186 కోట్ల గ్రాస్ వసూలు చేసినట్లు పోస్టర్ రిలీజ్ చేశారు.

ఈ సందర్భంగా "కింగ్ సైజ్ ఎంటర్టైన్మెంట్ గేమ్ ఛేంజర్ థియేటర్లలో విడుదలై దూసుకెళ్తోంది. ప్రస్తుతం గేమ్ ఛేంజర్ మొదటి రోజున ప్రపంచవ్యాప్తంగారూ.186 కోట్ల గ్రాస్ వసూలు చేసి బ్లాక్ బస్టర్ ఓపెనింగ్ షురూ చేసిందని" మేకర్స్ వెల్లడించారు.

రామ్‌చ‌ర‌ణ్ గత చిత్రం ఆర్ఆర్ఆర్ ఫస్ట్ డే వ‌ర‌ల్డ్ వైడ్‌గా ఏకంగా రూ.223 కోట్ల వ‌సూళ్ల‌ను సాధించింది. ఇప్పుడు గేమ్ ఛేంజర్ ఆ మార్క్ ని క్రాస్ చేయలేకపోయింది. అయితే, గేమ్ ఛేంజర్ మూవీ ఇండియన్ బాక్సాఫీస్ దగ్గర హయెస్ట్ గ్రాస్ వసూలు చేసిన సినిమాల జాబితాలో నాలుగో స్థానంలో నిలిచింది. ప్రస్తుతం పుష్ప2 మూవీ రూ. 294 కోట్లతో ఫస్ట్ డే ఆల్ టైం రికార్డ్ క్రియేట్ చేసి టాప్ ప్లేస్‌లో నిలిచింది. 

Also Read : ఆ సమస్య నుంచి కోలుకుంటున్నా

ఇకపోతే గేమ్ ఛేంజ‌ర్ మూవీ తెలుగు రాష్ట్రాల్లోనే అత్యధికంగా వసూళ్లు చేసింది. తెలుగు వెర్ష‌న్ అత్య‌ధికంగా రూ.42 కోట్ల క‌లెక్ష‌న్స్ సొంతం చేసుకున్న‌ట్లు బాక్సాఫీస్ రిపోర్ట్స్ చెబుతున్నాయి. అలాగే హిందీ వెర్ష‌న్‌కు రూ.7 కోట్లు, త‌మిళంలో రూ.2 కోట్ల ప‌ది ల‌క్ష‌ల క‌లెక్ష‌న్స్ వ‌చ్చిన‌ట్లు స‌మాచారం. అయితే, గేమ్ ఛేంజ‌ర్ మూవీ క‌న్న‌డ, మ‌ల‌యాళంలో మాత్రం దారుణంగా నిరాశ‌ప‌రిచింది. అక్కడ కేవలం 2 లక్షల లోపే వసూళ్లు చేసినట్లు తెలుస్తోంది. 

King size entertainment unleashes in theatres 🔥#GameChanger takes a blockbuster opening at the BOX OFFICE 💥💥#BlockbusterGameChanger GROSSES 186 CRORES WORLDWIDE on Day 1 ❤‍🔥

Book your tickets now on @bookmyshow
🔗 https://t.co/ESks33KFP4

Global Star @AlwaysRamCharan… pic.twitter.com/NqiqvscgR8

— Sri Venkateswara Creations (@SVC_official) January 11, 2025

పొలిటిక‌ల్ యాక్ష‌న్ ఎంట‌ర్‌టైన‌ర్‌గా డైరెక్టర్ శంక‌ర్ గేమ్ ఛేంజ‌ర్ మూవీని తెర‌కెక్కించాడు. కాన్సెప్ట్ ఔట్‌డేటెడ్ కావ‌డం, శంక‌ర్ మార్కు స్క్రీన్‌ప్లే మిస్స‌వ్వ‌డం సినిమాకు మైన‌స్‌గా మారిందని సోషల్ మీడియాలో కామెంట్స్ వినిపిస్తున్నాయి. అంతేకాకుండా శంక‌ర్ టేకింగ్‌పై కూడా దారుణంగా విమ‌ర్శ‌లొస్తున్నాయి. అయిన ఈ భారీ మొత్తంలో గేమ్ ఛేంజ‌ర్ డే 1 కలెక్షన్స్ చేయడం చూసి ట్రేడ్ వర్గాలు షాక్ అవతున్నాయి. మరి రెండోరోజు వసూళ్ల సంగతేంటనేది చూడాలి.