రామ్ హీరోగా కొత్త చిత్రం ప్రారంభం కాబోతోంది. ‘మిస్ శెట్టి మిస్టర్ పొలిశెట్టి’ ఫేమ్ మహేష్ బాబు పి దర్శకత్వంతో ఈ సినిమా తెరకెక్కనుంది. మైత్రీ మూవీ మేకర్స్ బ్యానర్‌‌‌‌‌‌‌‌పై నవీన్ యెర్నేని, రవిశంకర్ యలమంచిలి నిర్మించనున్నారు. ఈనెల 21న పూజా కార్యక్రమాలతో ఈ చిత్రాన్ని మొదలుపెట్టనున్నట్టు మంగళవారం అనౌన్స్ చేశారు. రామ్ కెరీర్‌‌‌‌‌‌‌‌లో ఇది 22వ చిత్రం. ఈ సందర్భంగా ‘రాపో (రామ్ పోతినేని) 22 బిగిన్స్ అంటూ సోషల్ మీడియాలో పోస్ట్ చేసిన రామ్..
సమ్‌‌‌‌థింగ్ ఫ్రెష్, న్యూ, అన్‌‌‌‌టోల్డ్ స్టోరీని ఎక్స్‌‌‌‌పీరియెన్స్ చేయడానికి రెడీగా ఉండండి. సూపర్ టాలెంటెడ్ డైరెక్టర్ మహేష్‌‌‌‌తో వర్క్ చేయడానికి ఎదురుచూస్తున్నా’ అని ట్వీట్ చేశాడు. సైకిల్ నడుపుతూ వెనుక నుంచి కనిపిస్తున్న రామ్ పోస్టర్ సినిమాపై ఆసక్తిని పెంచుతోంది.
