గోదావరిఖని, వెలుగు: అలయ్–-బలయ్ వ్యక్తుల మధ్య సోదరభావాన్ని పెంపొందిస్తుందని రామగుండం మేయర్ బంగి అనిల్‌‌‌‌‌‌‌‌కుమార్‌ అన్నారు. సామాజిక ఐక్య వేదిక కన్వీనర్ క్యాతం వెంకటరమణ ఆధ్వర్యంలో గోదావరిఖనిలోని కల్యాణ్నగర్లో బుధవారం అలయ్–బలయ్ కార్యక్రమాన్ని ఉత్సాహంగా నిర్వహించారు.
ఈ సందర్భంగా మేయర్ మాట్లాడుతూ రాజకీయాలకతీతంగా కులమత భేదాలు లేకుండా అన్ని వర్గాలు ఈ కార్యక్రమంలో పాల్గొనడం గొప్ప విషయమన్నారు. కార్యక్రమంలో వివిధ పార్టీలు, సంఘాలకు చెందిన కందుల సంధ్యారాణి, పోచం, మేరుగు హన్మంత్‌‌‌‌‌‌‌‌గౌడ్, డాక్టర్ రాజేందర్, బొంకూరి మధు, నటరాజశేఖర్, కొంకటి లక్ష్మణ్‌, మైస రాజేశ్, దుబాసి బొందయ్య, ఏకు శ్రీనివాస్, మధునయ్య, శంకరయ్య, తదితరులు పాల్గొన్నారు.
