గోదావరిఖని, వెలుగు: పెద్దపల్లి పార్లమెంట్గడ్డపై కాంగ్రెస్ జెండా ఎగరడం ఖాయమని, ఎంపీగా గడ్డం వంశీకృష్ణ భారీ మెజార్టీతో గెలుస్తాడని రామగుండం ఎమ్మెల్యే ఎంఎస్‌ రాజ్ఠాకూర్ ధీమా వ్యక్తం చేశారు. సోమవారం పాలకుర్తి, బసంత్ నగర్ ప్రాంతాలలో ఉపాధి కూలీలను, ప్రజలను కలిసి మే 13న జరిగే పోలింగ్లో హస్తం గుర్తుపై ఓటేసి కాంగ్రెస్ అభ్యర్థి వంశీకృష్ణను గెలిపించాలని కోరారు.
నియోజకవర్గ పరిధిలోని పాలకుర్తి లిఫ్ట్‌, పత్తిపాక రిజర్వాయర్, కుక్కలగూడూరు బండలవాగు ప్రాజెక్ట్ను రూ.350 కోట్లతో అభివృద్ధి చేస్తామని హామీ ఇచ్చారు. కార్యక్రమంలో ఎమ్మెల్యే సతీమణి మనాలీ ఠాకూర్, లీడర్లు మహాంకాళి స్వామి, రైతులు పాల్గొన్నారు. అనంతరం గోదావరిఖనిలో స్వర్ణకార సంఘం, దోబీఘాట్ రజకులతో, ఎల్‌‌బీ నగర్, అశోక్నగర్, స్వతంత్ర చౌక్ ఏరియాలలో జరిగిన కార్నర్ మీటింగుల్లో ఎమ్మెల్యే ప్రచారం నిర్వహించారు.
జ్యోతినగర్, వెలుగు: కార్పొరేట్‌ షాపుల వల్ల తమ కులవృత్తులకు ముప్పు పొంచి ఉందని, ఆ షాపులకు పర్మిషన్ ఇవ్వొద్దని ఎన్టీపీసీ నాయీబ్రహ్మణ సేవా సంఘం లీడర్లు ఎమ్మెల్యేకు వినతిపత్రం అందజేశారు. కార్యక్రమంలో సంఘం నాయకుడు కంది చంద్రయ్య, సంఘం నాయకులు పాల్గొన్నారు.
