- రూ.14.48 లక్షలు స్వాధీనం
గోదావరిఖని, వెలుగు : మంచిర్యాల జిల్లా చెన్నూరులో పేకాట ఆడుతున్న 10 మందిని రామగుండం టాస్క్ఫోర్స్ పోలీసులు అరెస్ట్ చేసి వారి వద్ద నుంచి రూ.14.48 లక్షలు స్వాధీనం చేసుకున్నట్లు సీపీ ఎం.శ్రీనివాస్‌ తెలిపారు. మంగళవారం రాత్రి రామగుండం కమిషనరేట్‌లో ఆయన మీడియాకు వివరాలు వెల్లడించారు. చెన్నూరు పీఎస్‌ పరిధిలోని అస్నాద్ గ్రామ శివారు మామిడి తోటలో కొందరు వ్యక్తులు పందెం పెట్టుకుని పేకాట ఆడుతున్నారన్న సమాచారంతో టాస్క్ఫోర్స్ సీఐ సంజయ్
ఎస్ఐ ఉపేందర్ ఆధ్వర్యంలో దాడులు చేసి 10 మంది పేకాటరాయుళ్లను పట్టుకున్నట్టు సీపీ తెలిపారు. సందెల తిరుపతి, అన్నాల తిరుపతి, చోటు, మరికొందరు కలిసి ముఠాగా ఏర్పడి పెద్దపల్లి, మంచిర్యాల, వరంగల్, కరీంనగర్, ఆసిఫాబాద్ తదితర ఏరియాలకు చెందిన పేకాటరాయుళ్లను పిలిపించి అటవీ ప్రాంతాలలో పేకాట స్థావరాలను ఏర్పాటు చేసుకున్నారని సీపీ చెప్పారు. అక్రమ కార్యకలాపాలకు పాల్పడితే చర్యలు తప్పవన్నారు.
